U vice-śpikiery KR biezalternatyŭna abirajuć Stanisłavu Hlińnik, unučku Šuškieviča
Kaardynacyjnaja rada, možna skazać, abrała svajo kiraŭnictva. Pakul što adbyłosia tolki vyłučeńnie kandydataŭ na pasady śpikiera i vice-śpikiera, užo možna ŭpeŭniena havaryć, chto imi stanie. Bo vybary jak na adnu, tak i na druhuju pasady biezalternatyŭnyja.
Adzinym siabram Kaardynacyjnaj rady, jaki vyłučyŭ svaju kandydaturu na pasadu kiraŭnika hetaj struktury, stała pradstaŭnica śpisu «Kamanda Łatuški i Ruch «Za Svabodu» Anžalika Mielnikava. Heta prahnazavałasia i raniej.
Na pasadu ž vice-śpikierki biezalternatyŭna bałatujecca Stanisłava Hlińnik, jakaja pradstaŭlaje śpis «Jeŭrapiejski vybar».
Stanisłavie Hlińnik 29 hadoŭ. Jana naradziłasia ŭ siamji architektara Vadzima Hlińnika i kampazitarki Alony Šuškievič. A najbolš znakamity ź jaje rodu — fizik i palityk Stanisłaŭ Šuškievič — staršynia Viarchoŭnaha Savieta XII sklikańnia, pieršy kiraŭnik niezaležnaj Biełarusi. Jaki, darečy, u svoj čas pierad tym, jak stać śpikieram parłamienta, niejki čas pabyŭ jaho vice-śpikieram.
Stanisłava Hlińnik vučyłasia ŭ Licei BDU, Varšaŭskim univiersitecie, ciapier praciahvaje navučańnie ŭ Varšaŭskim univiersitecie pryrodaznaŭčych navuk.
Pracavała ŭ niaŭradavych arhanizacyjach, była supracoŭnicaj Sakrataryjata Kaardynacyjnaj rady. Z kanca 2023 hoda stała asabistaj pamočnicaj Śviatłany Cichanoŭskaj.
Hałasavańnie pa kandydaturach Mielnikavaj i Hlińnik budzie adbyvacca na praciahu 24 hadzin u śpiecyjalnym telehram-kanale KR. Takim čynam, jaho vyniki buduć viadomyja ŭviečary 11 lipienia.
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary
A čamu narodu nie paviedamlajuć, chto ŭ tych ofisach-kabinietach pracuje. Tolki vypadkova daznajemsia, kali jaki-niebudź Kavaleŭski sychodzić z ofisa i zabiraje z saboj jaho čalcoŭ.
Aabistaja pamočnica Śviatłany Cichanoŭskaj (a značyć, padpisała NDA kiraŭnika ofisa Cichanoŭskaj Alaksandra Dabravolskaha ab nierazhałošvańni, a inakš štraf 30 tysiač jeŭra) biezalternatyŭna bałatujecca na pasadu vice-śpikierki Kaardynacycnaj Rady.