Ułady Homielskaj vobłaści zakryli čaty ŭ miesiendžarach dla skarhaŭ nasielnictva, jakija sami i adkryvali
Rehijanalnyja čaty «Dyjałoh z uładaj» u miesiendžarach Telegram i Viber, jakija pracavali kala hoda, spynili funkcyjanavańnie. Ułady ŭsich rajonaŭ zharnuli znosiny ź miascovymi žycharami ŭ adkrytym režymie — heta adbyłosia adnačasova, što pakazvaje na centralizavanaje rašeńnie, piša «Fłahštok».
Pracu čataŭ, dzie ludzi skardzilisia na prablemy — publikavali fota raźbitych daroh, paviedamlali ab brudnaj vadzie ŭ kranach — spynili z nahody «ŭdaskanaleńnia pracy z nasielnictvam, zachavańnia palityki pryvatnaści i dziejnaha zakanadaŭstva ab abaronie piersanalnych danych».
Zamiest adkrytych čataŭ žycharam prapanavali pisać u stvoranyja čat-boty, paabiacaŭšy «pasprabavać razabracca ŭ kožnym pytańni».
Adnak takaja forma «dyjałohu» daje ŭładam mahčymaść nie reahavać na zvaroty hramadzian. Kali raniej ludzi mahli apublikavać paviedamleńnie ŭ adkrytym čacie dla ahulnaha dostupu — heta značyć, publična zajavić ab prablemie, atrymać padtrymku inšych žycharoŭ, što matyvavała čynoŭnikaŭ apieratyŭna reahavać na situacyju — to ciapier publičnaść vyklučana.
Dla čynoŭnikaŭ heta zručna tym, što ab prablemach nie buduć viedać inšyja žychary i presa, nie budzie adkrytaha hramadskaha abmierkavańnia, a adkazvać na zvarot hramadzianina možna budzie ŭ farmacie «adpisak» — tym bolš, jak padkreślivajecca ŭ infarmacyi ab čat-botach, jany nie traplajuć pad dziejańnie zakona «Ab zvarotach hramadzian i jurydyčnych asob».
Raniej pry zapusku adkrytych čataŭ ułady padavali heta jak mahčymaść pramoha kantaktu z čynoŭnikami.
Naprykład, voś što paviedamlaŭ Žłobinski rajvykankam 1 lipienia 2023 hoda: «Z metaj svoječasovaha reahavańnia na pytańni, jakija tyčacca žyćciadziejnaści žycharoŭ Žłobinskaha rajona, u sacyjalnaj sietcy Viber stvorana supolnaść «Žłobin. DYJAŁOH z uładaj». Dałučajciesia i budźcie ŭ kursie źmienaŭ, dziakujučy svoječasovamu reahavańniu na chvalujučyja žłabinčan prablemy i pytańni. Meta: dać dadatkovuju mahčymaść pramoha kantaktu z orhanami miascovaj ułady pa lubych pytańniach žyćciadziejnaści ŭ rajonie».
Kamientary