Łukašenka prapanavaŭ 74-hadovamu eks-vice-premjeru Uładzimiru Siamašku pajści papracavać
Ale pracuje jon tolki na leciščy.
Alaksandr Łukašenka skazaŭ 74-hadovamu eks-pasłu ŭ Rasii i byłomu pieršamu vice-premjeru Uładzimiru Siamašku pajści jašče papracavać, ale pakul jon pracuje tolki na ŭłasnym leciščy. Pra heta Siamaška raspavioŭ u efiry telekanała «Biełaruś 1», piša «Kamsamołka».
Uładzimir Siamaška atrymaŭ orden Ajčyny II stupieni na ŭračystaj cyrymonii 2 lipienia napiaredadni Dnia niezaležnaści krainy. Jon raspavioŭ, što jamu skazaŭ Alaksandr Łukašenka, uručajučy ŭznaharodu:
— Jon pažartavaŭ: u ciabie dva ordeny — treciaj, druhoj stupieni. Treba pieršaj zarablać. Pojdzieš jašče papracuješ.
Siamaška dadaŭ, što ŭsio ŭ žyćci treba rabić svoječasova. Jon taksama skazaŭ, što zaniaty pracaj pakul tolki na ŭłasnym leciščy: tam zaŭsiody jość to adna, to druhaja, to treciaja sprava.
Uładzimir Siamaška byŭ dyrektaram «Haryzonta» z 1996 pa 2001 hod, zatym dva hady jon pracavaŭ ministram enierhietyki, z 2003 pa 2018 hod vice-premjeram, a ŭ 2018-2022 hadach Uładzimir Siamaška ŭznačalvaŭ pasolstva Biełarusi ŭ Rasii. U studzieni 2022 hoda jon trapiŭ u balnicu z sardečnym prystupam.
Kamientary