Rasijanie źniščyli antyčny Chiersanies i pastavili na jaho miescy navabud
Rasijskija archieołahi i zabudoŭščyki całkam źniščyli aŭtentyčny pomnik suśvietnaha značeńnia ŭ Krymie — Chiersanies Taŭryčny. Na miescy raskopak zbudavali novy adkryty teatr, a niekatoryja archieałahičnyja znachodki vyvieźli ŭ rasijskija muziei, piša «Ukrainskaja praŭda».
Pra heta raskazała staršaja navukovaja supracoŭnica Instytuta archieałohii NAN Ukrainy Evielina Kraŭčanka na III Mižnarodnym forumie ekśpiertnaj sietki Krymskaj płatformy. Sa słoŭ daśledčycy, rasijanie padmieńvajuć aryhinalnyja słavutaści novabudoŭlami, rujnujučy ich aŭtentyčnaść.
«Ciapier adbyvajucca niehatyŭnyja pracesy z adzinaj słavutaściu suśvietnaha značeńnia, jakuju my paśpieli naminavać i ŭnieści ŭ pieralik słavutaściaŭ u Krymie — z Chiersaniesam Taŭryčnym».
U 2015-2016 hadach zabudoŭščyki zaharadzili naziralnymi placoŭkami archieałahičnyja reštki, jakija znachodzilisia na pavierchni: viežy, ścieny i kałony. Paźniej na miescy staražytnaj cytadeli pastavili antyčny adkryty teatr, jaki stvaraje nahruzku kala tony na aryhinalnaje zbudavańnie.
Bolšuju častku znojdzienych artefaktaŭ vyvieźli ŭ muziei Rasii. Siarod ich freski, posud, pradmiety pobytu i abrazy. Paśla pačałosia budaŭnictva archieałahičnaha parku «Novy Chiersanies», na miescy reštkaŭ niekropala.
«Rasijanie ničoha nie razumieli ŭ hieałahičnaj situacyi na hetym miescy, tamu pačali zdymać hlebu na terytoryi zvyčajnymi ekskavatarami. Niejkim čynam jany raskapali tam staražytnuju krynicu, tamu ŭsio zaliło», — raskazała Evielina Kraŭčanka.
Ciapier na miescy archieałahičnych reštkaŭ pabudavali faktyčna novy horad. Archieałahičny park pierakryvaje staryja znachodki, niekalki raskapanych abjektaŭ pastupova pieranieśli i adbudavali ŭ inšym miescy.
Na miescy haradzišča rasijanie pastavili sabor Śviatoha Uładzimira, jaki aśviacili i padparadkavali Maskoŭskamu Patryjarchatu.
Histaryčnaje značeńnie Chiersaniesa Taŭryčnaha
Chiersanies Taŭryčny — unikalny histaryčny pomnik antyčnaj epochi. Z daśledavańniaŭ hetaj zabudovy vyjavili sistemu arhanizacyi i płanavańnia taho času.
Architektaram polisa staŭ Hipadam, u asnovu jaho budaŭničaha płana pakładzienaja sistema padoŭžnych i papiaročnych vulic, jakija pierasiakajucca pad pramym vuhłom, utvarajučy kvartały.
Heta adzinaja słavutaść u Krymie, jakaja maje suśvietnaje značeńnie.
Chiersanies byŭ demakratyčnaj dziaržavaj, pryciahvaŭ myślaroŭ, navukoŭcaŭ i daśledčykaŭ. Taksama zajmaŭ važnyja handlovyja pazicyi na Čornym mory. U časy Vizantyjskaj impieryi zastavaŭsia važnym administracyjnym i handlovym centram, horad staŭ adnym z hałoŭnych centraŭ chryścijanstva na poŭdni Krymu.
Z pačatku 2000-ch i da akupacyi Krymskaha paŭvostrava ŭkrainskija daśledčyki prapanoŭvali stvaryć archieałahičny park dla taho, kab zachavać nie tolki asobnyja ŭčastki polisa, a ŭsiu miascovaść.
Archieołahi raskazali, ci ŭdałosia adšukać na dnie Biareziny skarb Napaleona
Na haradziščy na Miency raźbirajuć fantastyčnaj zachavanaści hihanckija dubovyja zruby X stahodździa
Prapahandysty płačucca, što ŭkrainskija ŭłady źnieśli pravasłaŭny chram u Kijevie. Što za jon?
«Takoha ŭzrostu znachodak, jakija znajšli na Miency, na terytoryi Uschodniaj Jeŭropy bolš niama» — dyrektar Instytuta historyi
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ2
Kamientary