Śviet88

Jeŭrasajuz prydumaŭ, jak abyści vienhierskaje vieta na pieradaču dachodaŭ ad aktyvaŭ Rasii Ukrainie

Jeŭrasajuz znajšoŭ pravavuju ščylinu, kab abyści vieta Vienhryi na pieradaču dachodaŭ ad zamarožanych aktyvaŭ Rasii na vajskovyja patreby Ukrainy, paviedamlaje Financial Times.

Žazep Barel z premjer-ministram Vienhryi Viktaram Orbanam. Fota: AP Photo/Fermin Rodriguez

Pakolki Vienhryja ŭstrymałasia ad papiaredniaha pahadnieńnia ab vydzialeńni dachodaŭ ad zabłakavanych u Jeŭropie rasijskich srodkaŭ, jana «nie pavinna być častkaj rašeńnia ab vykarystańni hetych hrošaj», skazaŭ kiraŭnik dypłamatyi ES Žazep Barel.

Barel udakładniŭ, što ź Vienhryjaj sprabavali damovicca. U pryvatnaści, prapanoŭvali Budapieštu nie ŭdzielničać u padtrymcy Ukrainy, ale i nie błakavać rašeńnie bolšaści astatnich krain Jeŭrasajuza. 

«My prapanavali Vienhryi: vašy hrošy nie buduć vykarystoŭvacca dla padtrymki Ukrainy lubymi srodkami. Nie tolki letalnymi, ale i lubymi inšymi. Zabiarycie svaje hrošy… Ja nie chaču ich vykarystoŭvać. Im prapanavali nie być častkaj kamandy, i što ich hrošy nie buduć vykarystoŭvacca dla Ukrainy… Hetaha było niedastatkova», — skazaŭ Barel.

Tamu Barel zajaviŭ, što

abychodny šlach «składany, jak i kožnaje jurydyčnaje rašeńnie, ale jon pracuje».

Pa źviestkach vydańnia Politico, znojdzienaja ščylina «pryviała vienhierskich palitykaŭ u lutaść».

Ministr zamiežnych spraŭ Vienhryi Pieter Sijarta ŭžo papiaredziŭ, što vienhierski bok užo vyvučaje «pravavyja mahčymaści» asprečyć heta rašeńnie. Jon ličyć, što Jeŭrasajuz, pryniaŭšy jaho, pierakročyŭ čyrvonyja linii.

Sijarta aburyła taksama toje, što Barel zaprapanavaŭ krainam ES adpravić svaich instruktaraŭ va Ukrainu dla navučańnia ŭkrainskich vajskoŭcaŭ. Pavodle jaho słoŭ, heta pieršy krok dla adpraŭki va Ukrainu jeŭrapiejskich vojskaŭ».

Pra pieršy tranš dachodaŭ ad zamarožanych rasijskich aktyvaŭ u Fond dapamohi Ukrainie Barel abjaviŭ siońnia, 24 červienia, pierad sustrečaj kiraŭnikoŭ MZS krain Jeŭrasajuza. Pieravod składzie 2,5 miljarda jeŭra, paviedamlaje «Jeŭrapiejskaja praŭda».

«I ŭ nas jość jurydyčnaja pracedura, jakaja daje mahčymaść paźbiehnuć lubych błakavańniaŭ. Pieršy tranš pastupić na nastupnym tydni, u lipieni. Druhi — praź niekalki tydniaŭ», — adznačyŭ Barel.

U Eŭrasajuzie zamarožanyja kala 210 miljardaŭ jeŭra aktyvaŭ Banka Rasii. Za hod jany prynosiać prykładna piać miljardaŭ jeŭra dachodaŭ. Krainy ES uchvalili płan padtrymki Ukrainy za košt zamarožanych rasijskich hrošaj u mai 2024 hoda.

Znojdzienaja pravavaja ščylina moža taksama rasčyścić šlach da vydzialeńnia krainami «Vialikaj siamiorki» Ukrainie kredytu pamieram 50 miljardaŭ dalaraŭ, jaki płanujecca zabiaśpiečvać mienavita dachodami ad rasijskich zamarožanych aktyvaŭ.

Kamientary8

  • Acab
    24.06.2024
    Pravavaja ščylina, jakaje pieratvaraje kanfederacyju na cientralizavany sajuz, dzie vierchavodzić CK.
  • Axel Justas
    24.06.2024
    Zrabić im Hunexit, kab u kožnuju susiedniuju krainu pa vizy ŭ čarzie stajali, kab jeŭrapiejskija aŭtavytvorcy svaje zavody vyvieźli, i h.d. - budzie im cudoŭnaja ahrarnaja kraina z savieckim duškom i nieŭciamnaj budučyniaj, jak raz jak Pucinu padabajecca. Chaj siabrujuć.
  • Anatol Starkou
    25.06.2024
    Axel Justas, nikomu nie patrebny taki anklaŭ Rasiei ŭ centry Eŭropy. + Nia ŭsie vuhorcy hałasavali za Orbana ci spryjali pieratvareńniu krainy ŭ aŭtakratyju.

Ciapier čytajuć

Minhandlu vypadkova źliła dakumient, u jakim pakazała, jak i za što naličvaje premii5

Minhandlu vypadkova źliła dakumient, u jakim pakazała, jak i za što naličvaje premii

Usie naviny →
Usie naviny

Ty śpiš, a mozh pracuje. Jak z dapamohaj prostaha truka rašać u śnie prablemy i naradžać idei3

Inžyniery stvaryli parašut-kiryhami, jaki abiacaje idealna pramy i tanny spusk4

Na bujnym chimzavodzie «Azot» u Piermskim krai prahrymieli mocnyja vybuchi5

Adrodžanyja lutavaŭki Romuł i Rem adznačyli svoj pieršy dzień naradžeńnia3

Milicyja schavała hałoŭnaje — mahiloŭski mańjak-lifcior užo siadzieŭ za zhvałtavańnie. Ale jaho nie pravieryli na datyčnaść da zabojstvaŭ16

Tusk u Kapienhahienie zaklikaŭ jeŭrapiejskich lidaraŭ uśviadomić, što vajna ŭžo idzie6

Iłan Mask anansavaŭ stvareńnie kankurenta Vikipiedyi6

Pa Novaj Baravoj chodzić mužčyna, jaki pastajanna mianiaje abliččy. Chto jon taki?9

Pucin raskazaŭ, kolki zarablaje Rasija na prodažy ZŠA ŭranu6

bolš čytanych navin
bolš łajkanych navin

Minhandlu vypadkova źliła dakumient, u jakim pakazała, jak i za što naličvaje premii5

Minhandlu vypadkova źliła dakumient, u jakim pakazała, jak i za što naličvaje premii

Hałoŭnaje
Usie naviny →

Zaŭvaha:

 

 

 

 

Zakryć Paviedamić