Palitźniavolenaja Palina Šarenda-Panasiuk praviała 70 dzion u ŠIZA z pačatku hoda
Ciapier jana ŭ SIZA čakaje novaha suda. «Jana pryjechała amal biez rečaŭ. Mahčyma, joj skazali, što viazuć vyzvalać».
Naviny pra palitźniavolenuju Palinu Šarendu-Panasiuk paviedamiŭ jaje muž.
«Apošnija miesiacy dla Paliny byli asabliva ciažkimi. Tolki za pieršyja piać miesiacaŭ hetaha hoda ŭ kałonii jaje 70 dzion trymali ŭ štrafnym izalatary. Fizičny i maralny cisk. Paŭhoda poŭnaj izalacyi ad źniešniaha śvietu. My navat i blizka nie viedajem, čym Palinie pahražali, što ź joj rabili, kab źniać toje prapahandysckaje videa. I iłžyvyja abiacańni, što jana zmoža pabačyć svaich dziaciej, jakich nie bačyła try z pałovaj hoda.
I ŭrešcie, jak udar pad dych, novaja kryminalnaja sprava i novy etap. My nie viedajem, što z Palinaj zdaryłasia ŭ traŭni ŭ kałonii pierad etapam, ale ŭ SIZA jana pryjechała amal biez rečaŭ. Mahčyma, joj skazali, što viazuć vyzvalać», — napisaŭ Andrej Šarenda ŭ fejsbuku.
Palina — aktyvistka z Bresta. Jaje zatrymali ŭ studzieni 2021 hoda. Spačatku jaje asudzili na dva hoda kałonii pavodle artykułaŭ pra abrazu Łukašenki, pradstaŭnika ŭłady i hvałt albo pahrozu hvałtam milicyjantu (artykuły 369, 368 i 364 KK). A paśla dvojčy praciahvali termin — zavodzili spravy pa artykule ab niepadparadkavańni administracyi kałonii (artykuł 411 KK).
Palina pavinna była vyjści z kałonii 21 maja 2024 hoda, ale na jaje zaviali novuju spravu, niahledziačy na toje, što žančyna pahadziłasia źniacca ŭ filmie dla dziaržTB.
«Psichałahičny stan vielmi składany». Źjavilisia naviny pra palitźniavolenuju Šarendu-Panasiuk
Na Palinu Šarendu-Panasiuk znoŭ zaviali kryminalnuju spravu za niepadparadkavańni administracyi
Praź dzień paśla zajavy kamiteta AAN pra Palinu Šarendu-Panasiuk na BT pakazali palitźniavolenuju
Palitźniavolenaja Šarenda-Panasiuk u efiry BT: Maja kraina samaja lepšaja
Ciapier čytajuć
Alaksandr Łukašenka prakulhaŭ pa čyrvonaj darožcy na płoščy Ciańańmeń. Kola vykonvaŭ rolu achoŭnika10
Alaksandr Łukašenka prakulhaŭ pa čyrvonaj darožcy na płoščy Ciańańmeń. Kola vykonvaŭ rolu achoŭnika
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia79
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie33
Kamientary
Realna treba hladzieć na rečy. Jakoj siłaj? Dzie taja siła? Navat kali skłaści PKU i mifičnaje paspalitaje rušańnie, to kolki naźbirajecca? Mo 500, mo 800 čałaviek, navat kali ich padrychtavać i dobra ŭzbroić, to hetaha ŭsio adno chopić kab zładzić nievialički deboš na miažy i tolki. Paśla 20 hoda režym vielmi dobra ŭzbroiŭsia, stvaryŭ šmatlikija novyja atrady śpiec vojsk, ładzić vučeńni, ciapier Biełaruś - heta cytadel ź jakoj moža ciahacca chiba tolki Polšča. Ale palaki nie raspačnuć vajnu z-za Biełaruskich viaźniaŭ navat kali ich nie daj Boža pačnuć stralać.