Vakoł Maryi Kaleśnikavaj u kałonii stvarajuć infarmacyjny vakuum
Byłaja palitźniavolenaja, jakaja vyzvaliłasia z homielskaj kałonii, raskazała «Viaśnie», što jaje administracyja zabaraniaje žančynam kamunikavać z Maryjaj. Ź joj zaŭsiody chodziać achoŭnicy, navat u prybiralniu. Sočać za joj taksama inšyja źniavolenyja, jakija supracoŭničajuć z administracyjaj.
«Adnojčy na Maryju napisali rapart, bo była apranutaja nie pa formie. Raskazvali, što joj u kubak padkinuli tabletku. I Maryja hučna spytałasia: «Chto mnie pakłaŭ tabletku?» Zrazumieła, što tak prosta — biez dazvołu apieratyŭnikaŭ — takoje nie adbyvajecca.
My niekatory čas pracavali razam na fabrycy, ale razmaŭlać nie mahli, tolki padmirhvali adna adnoj. Pierad źmiaščeńniem u PKT u sakaviku 2023 hoda Maryja troški papraviłasia, vyhladała lepiej, paśmichałasia, ale ŭsio adno była schudniełaja».
Žančyna ŭzhadvaje, što adna źniavolenaja adnojčy paprasiła ŭ Maryi aŭtohraf na pamiać, a taja skazała: «Što vy? Jaki aŭtohraf? Mnie ni z kim razmaŭlać nielha, i kali ciapier chtości nas ubačyć, to buduć prablemy».
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary