U finalnaj zajavie samitu lidaraŭ Vialikaj siamiorki zhadvajecca situacyja ŭ Biełarusi
Na sajcie Biełaha Doma źjaviłasia zajava lidaraŭ krain G7, vydadzienaja pa vynikach štohadovaha samitu hetaha abjadnańnia. Lidary viadučych krain zachodniaha śvietu nie abyšli ŭvahaj i situacyju ŭ Biełarusi.
«My paćviardžajem naša asudžeńnie saŭdziełu biełaruskaha režymu ŭ vajnie Rasii suprać Ukrainy. Vykazvajem zaniepakojenaść represijami režymu ŭ dačynieńni da niezaležnych ŚMI, hramadzianskaj supolnaści, apazicyi i hramadzian, jakija mirna vykazvajuć svaje pohlady. My taksama asudžajem žorstkaje abychodžańnie z palityčnymi źniavolenymi i patrabujem ich nieadkładnaha i biezumoŭnaha vyzvaleńnia», — havorycca ŭ zajavie.
Akramia taho, lidary G7 asudzili i biezadkaznuju, pahroźlivuju jadziernuju rytoryku Rasii, jaje pazicyju stratehičnaha zapałochvańnia, uklučajučy zajavy Rasii ab raźmiaščeńni jadziernaj zbroi ŭ Biełarusi.
Kamientary