Biełaruska naradziła treci raz u 19 hadoŭ i stała samaj maładoj šmatdzietnaj mamaj u krainie
Žycharka haradskoha pasiołka Uvaravičy Buda-Kašaloŭskaha rajona, 19-hadovaja Maryja Sincova aficyjna stała samaj junaj šmatdzietnaj mamaj Biełarusi. Pieršaje dzicia źjaviłasia ŭ dziaŭčyny ŭ 15 hadoŭ, druhoje — praz hod, piša Onliner.by.
Treciaha novanarodžanaha nazvali Ściapanam. Na hety raz rody byli partniorskimi — muž prysutničaŭ padčas pracesu. Padrabiaznaściami dziaŭčyna padzialiłasia ŭ sacsietkach.
Pa słovach usio jašče maładoj šmatdzietnaj mamy, trecija rody byli samymi lohkimi i najmienš traŭmujučymi ŭ fizičnym i maralnym płanie.
— Pieršyja i druhija rody: akušerskaja ahresija, vyciskali dzicia, źniavahi i abrazy ad miedpiersanału, razychodžańnie švoŭ. Trecija rody (partniorskija) u inšaj radzilni, paśla jakoj ja była ŭ šoku, što rody mohuć być takimi lohkimi, — uspaminaje Maryja. Padrabiaznaści partniorskich rodaŭ dziaŭčyna apisvaje tak:
— Padniali na patrebny pavierch, pahladzieli raskryćcio i paklikali muža. Jaho pieraapranuli ŭ chirurhičny kaścium. Nam vydali asobnuju pałatu z dvuma łožkami. Tam jašče byli čajnik i vientylatar. U mianie ŭziali kroŭ ź vieny, pastavili katetar i pakłali na KTH. Zatym ja paprasiła muža schadzić za fitbołam, bolšuju častku praviała na im. U 10:30 mianie paklikali na ahlad, było 7 santymietraŭ, mnie prakałoli puchir. Ja zachacieła pastavić abiazbolvalnaje, bo spała ŭsiaho tolki try hadziny. U vyniku jano spracavała nie tak, jak ja čakała, i ja prosta adklučałasia pamiž schvatkami.
Paśla rodaŭ Maryja jašče šeść dzion praviała ŭ dvuchmiesnaj pałacie ŭ radzilni № 2 horada Homiela. Pavodle jaje słoŭ, mienavita naradžeńnie treciaha dziciaci stała samym pryjemnym i biazbolnym. Dziaŭčyna adznačaje, što jaje dobra karmili, a miedpiersanał byŭ vietlivy i karektny.
Cikava, što tolki trecija pa liku rody prynieśli Maryi i jašče adno dziŭnaje adkryćcio.
— Darečy, dla mianie było šokam, što ciapier nie apracoŭvajuć pupočki i jany hojacca sami pa sabie. Naš pupočak advaliŭsia na čaćviortyja sutki.
Na pytańni chiejtaraŭ pra juny ŭzrost i vialikuju kolkaść dziaciej maładaja mama adkazała, što budzie pastupać tak, jak ličyć patrebnym.
Ciapier čytajuć
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja5
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary