U 1962 hodzie raźmiaščeńnie na Kubie savieckaj jadziernaj zbroi spravakavała Karybski kryzis. Jon moh pryvieści da hłabalnaj jadziernaj vajny.
Ułady Kuby anansavali ŭ čaćvier prybyćcio ŭ Havanu na nastupnym tydni čatyroch rasijskich karabloŭ, uklučajučy atamnuju padłodku «Kazań» i rakietny frehat «Admirał Harškoŭ». Pry hetym było padkreślena, što karabli VMF Rasii nie niasuć jadziernaj zbroi i nie ŭjaŭlajuć pahrozy dla rehijonu, paviedamlaje Rasijskaja słužba Radyjo Svaboda.
«Vizit adpaviadaje histaryčna družalubnym adnosinam pamiž Kubaj i Rasijaj i stroha adpaviadaje mižnarodnym praviłam», — havorycca ŭ raspaŭsiudžanaj 6 červienia zajavie kubinskaha MZS.
Zajava była zroblenaja na nastupny dzień paśla taho, jak krynica ŭ administracyi ZŠA raspaviała pra płany Rasii nakiravać bajavyja sudny ŭ Karybski rehijon, u tym liku da sajuźnikaŭ u Vieniesuele i na Kubie, dla praviadzieńnia vajenna-marskich vučeńniaŭ.
Napružanaść u adnosinach pamiž ZŠA i Rasijaj rezka ŭzrasła paśla pačatku poŭnamaštabnaha ŭvarvańnia rasijskaj armii va Ukrainu ŭ lutym 2022 hoda, i aktyŭnaść rasijskaha fłotu, choć i zvyčajnaja ŭ Atłantycy, taksama ŭzrasła z-za padtrymki Ukrainy z boku Złučanych Štataŭ, zajavili ŭ Vašynhtonie.
U časy Chałodnaj vajny raźmiaščeńnie na Kubie, u niepasrednaj blizkaści ad uźbiarežža ZŠA, savieckich padraździaleńniaŭ, na ŭzbrajeńni jakich znachodziłasia jak zvyčajnaja, tak i atamnaja zbroja, spravakavała Karybski kryzis 1962 hoda. Jon moh pryvieści da hłabalnaj jadziernaj vajny.
Pucin namiaknuŭ pra pastaŭki zbroi ŭ Biełaruś, kab «nanosić udary pa adčuvalnych abjektach inšych krain»
Pucin pačaŭ nasić na publičnych mierapryjemstvach broniekamizelku
Rasija namahajecca sarvać Samit miru, a Kitaj vystupaje instrumientam u rukach Pucina — Zialenski
Łukašenka: Pucin dziejničaje va Ukrainie jak Čynhischan
Ciapier čytajuć
U 2021 hodzie vypusknica admoviłasia pacisnuć ruku Hihinu na ŭručeńni dypłoma. Ciapier BDU nie choča jaho paćviardžać29
Kamientary