Cichanoŭskaja — školnikam: Vaš dośvied i suviazi, enierhija i kreatyŭ — dapamohuć viarnuć i adradzić našu Biełaruś
Śviatłana Cichanoŭskaja naviedała vilenskuju himnaziju imia Franciška Skaryny, dzie ŭziała ŭdzieł va ŭračystaściach z pryčyny zakančeńnia navučalnaha hoda.
«Kudy b vas ni zakinuŭ los, jak by ni skłałasia žyćcio — pamiatajcie pra svaju krainu». Cichanoŭskaja — navučencam biełaruskaj himnazii ŭ Vilnie.
Ustanova źjaŭlajecca adzinaj u krainie, dzie navučańnie dla biełarusaŭ i biełarusak idzie na rodnaj movie. Sotni dziaciej, jakija vymušana pierajechali ŭ Litvu paśla 2020 hoda, mienavita tut atrymali mahčymaść praciahvać adukacyju. Akramia taho, himnazija dapamahaje 408 chłopčykam dy dziaŭčynkam vyvučać litoŭskuju movu i praściej intehravacca ŭ hramadstva.
Śviatłana Cichanoŭskaja vystupiła z pramovaj pierad 29-m vypuskam himnazistaŭ, ich baćkami, nastaŭnikami i pradstaŭnikami litoŭskaj dziaržavy, paviedamlaje jaje pres-słužba.
Voś pra što kazała biełaruskaja lidarka:
«Kudy b vas ni zakinuŭ los, jak by ni skłałasia žyćcio — pamiatajcie pra svaju krainu, nie hublajcie suviazi ź Biełaruśsiu, zachoŭvajcie našu movu i bieražycie našu kulturu».
«Siońnia Biełaruś znoŭ paniavolenaja. Ale tak nie budzie zaŭždy. Historyja našaha narodu — tamu śviedčańnie. Navat u samych składanych umovach, paśla niaŭdałych sprobaŭ, my nie apuskali ruk, a šukali novyja sproby damahčysia našych metaŭ».
«Ja vieru, šanoŭnyja vypuskniki, što vašyja viedy, vaš dośvied i suviazi, enierhija i kreatyŭ — dapamohuć viarnuć i adradzić našu Biełaruś».
«Nie bojciesia vyprabavańniaŭ. Staŭcie sabie vysokuju płanku. Budźcie śmiełyja. Sprabujcie novaje i šanujcie svajo!»
Ciapier čytajuć
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy23
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje77
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje7
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1414
Kamientary
Pritvoriajetsia nacionalistkoj.
Svoich dietok Sietłana obučajet v russkoj škole.