Skłali śpis samych dobraŭparadkavanych nasielenych punktaŭ. Na pieršym miescy nie Minsk, nie Hrodna i navat nie Brest
Urad vyznačyŭ samyja dobraŭparadkavanyja nasielenyja punkty krainy pa vynikach 2023 hoda, rašeńnie apublikavana na Nacyjanalnym pravavym internet-partale.
Pieramožcami «za vysokija pakazčyki, dasiahnutyja ŭ chodzie praviadzieńnia ŭ 2023 hodzie respublikanskaha ahladu, pryznanyja nastupnyja nasielenyja punkty»:
pa I katehoryi — Mahiloŭ (188 bałaŭ);
pa II katehoryi — Babrujsk (234 bały) i Salihorsk (231 bał);
pa III katehoryi — Žabinka (250 bałaŭ), Biaroza (242 bały) i Drahičyn (233 bały);
pa IV katehoryi — Čerykaŭ (237 bałaŭ) i Białyničy (204 bały), Šarkaŭščyna (229 bałaŭ), Brahin (214 bałaŭ);
pa V katehoryi — vioska Lachavičy, što ŭ Ivanaŭskim rajonie (181 bał), Harbacha (168 bałaŭ) i Rudsk (156 bałaŭ) taksama Ivanaŭskaha rajona, Višoŭ (164 bały) Białynickaha rajona, Alhova (163 bały) Viciebskaha rajona Viciebskaj vobłaści.
Akramia taho, značny ŭkład u pavyšeńnie ŭzroŭniu dobraŭparadkavanaści terytoryj adznačany ŭ 10 nasielenych punktach: Kobryn (224 bały), Niaśviž (224 bały), Navapołack (220 bałaŭ) i Połack (219 bałaŭ), Baranavičy (214 bałaŭ), Pietrykaŭ (212 bałaŭ).
Paviedamlajecca, što pieramožcy ŭznaharodžvajucca pierachodnym vympiełam i hrašovymi premijami za košt srodkaŭ respublikanskaha biudžetu.
Kamientary