Zaprašeńnie Łukašenki ŭ Vilniu budzie zaležać ad jaho krokaŭ u spravie Uschopčyka?
Prezident Litvy Dala Hrybaŭskajte nie kaža, ci budzie zaprašać Alaksandra Łukašenku na 20‑hodździe śviatkavańnia adnaŭleńnia niezaležnaści (11 sakavika).
Prezident Litvy Dala Hrybaŭskajte nie kaža, ci budzie zaprašać Alaksandra Łukašenku na 20‑hodździe śviatkavańnia adnaŭleńnia niezaležnaści (11 sakavika).
«Jak užo zhadvała, zaraz my viadziem pieramovy ź Biełaruśsiu, sprabujem pačuć, jakimi buduć kroki ŭ supracoŭnictvie, jakija tyčać spravy Uschopčyka», ‑‑ adkazała ŭ aŭtorak prezident na pytańnie, ci vyznačyłasia jana z zaprašeńniem Łukašenki.
Litoŭskija pravaachoŭnyja orhany padazrajuć Uładzimira Uschopčyka ŭ tym, što 13 studzienia 1991 hoda jon daŭ zahad stralać pa biazzbrojnym ludziam.
MZS Litvy ŭručyŭ Biełarusi notu ŭ suviazi z tym, što Hienprakuratura RB admoviłasia akazać Litvie dapamohu ŭ rasśledavańni spravy 13 studzienia. Litva choča pryciahnuć da adkaznaści hramadzian Biełarusi: hienierała Uładzimira Uschopčyka i Stanisłavu Juonienie.
Prezident Litvy śćviardžaje, što ŭ Litvy niama jurydyčnaj padstavy dla patrabavańnia ekstradycyi Uschopčyka i Juonienie, tamu hetaje pytańnie pavinna vyrašacca šlacham palityčnaha dyjałohu.
Eks‑ministr zamiežnych spraŭ Litvy Vihaŭdas Ušackas kazaŭ, što pry ciapierašnich abstavinach, jon nie staŭ by zaprašać na ŭračystaść prezidenta Biełarusi.
Hrybaŭskajte vyrašyła zaprasić na 20‑hodździe adnaŭleńnia Niezaležnaści nie tolki prezidentaŭ krain ES, ale i prezidentaŭ susiednich krain, u tym liku Dźmitryja Miadźviedzieva, kab pravieryć, jak susiedzi staviacca da niezaležnaści Litvy.
Łukašenka naviedvaŭ Vilniu 17 vieraśnia 2009 hoda.
Ciapier čytajuć
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć38
Kamientary