Za machlarstva aryštavali eks-kamandujučaha 58-j armijaj Rasii, jaki kiravaŭ abaronaj pad Zaparožžam
Ivanu Papovu inkryminujuć raskradańnie mietałakanstrukcyj, pryznačanych dla armii.
Były kamandujučy 58-j armijaj Uzbrojenych sił Rasii Ivan Papoŭ (pazyŭny «Spartak») aryštavany pa padazreńni ŭ machlarstvie.
Ivana Papova vinavaciać u pieraprodažy 2000 tonaŭ mietału, vydzielenych dla budaŭnictva linii abarony na Zaparožskim napramku.
Papova adchilili ad kiravańnia ŭletku 2023 hoda. Tady Papoŭ raspaviadaŭ, što pryčynaj adchileńnia staŭ kanflikt z načalstvam, jakomu nie spadabałasia jaho vykazvańni pra situacyju na froncie. Jon śćviardžaje, što «hranična žorstka vykazaŭ svaju pazicyju pa mnohich prablemnych pytańniach, u suviazi z čym «staršyja načalniki» nibyta «adčuli ŭ im niebiaśpieku».
Papoŭ abvinavaciŭ načalstva ŭ zdradzie armii. Jon nie nazvaŭ imia ministra abarony Siarhieja Šajhu, ale skazaŭ, što byŭ adchileny zahadam kiraŭnika Minabarony.
«Imkliva za adzin dzień «śvietłavy» zrabili zahad na imia ministra abarony i ad mianie pazbavilisia», — narakaŭ jon.
Aryštavali hałoŭnaha kadravika Minabarony Rasii, jaki raniej uznačalvaŭ Słužbu achovy dziaržaŭnaj tajamnicy
Pucin źniaŭ Šajhu z pasady ministra abarony — i pastaviŭ sakratarom Rady biaśpieki
«Elemient hulni suprać Šajhu». Što havorać palitołahi pra aryšt namieśnika ministra abarony Rasii
«Za karupcyju jaho b nichto zatrymlivać nie staŭ». Namieśnika ministra abarony RF mohuć abvinavacić u dziaržzdradzie
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary