Łukašenka stanie staršynioj UNS adnačasova z prezidenctvam. Namieśnikam budzie Kosiniec
64-hadovy vychadziec z-pad Oršy daŭno pracuje ŭ vyšejšych ešałonach ułady. U 2014—2016 hadach jon byŭ kiraŭnikom jahonaj Administracyi. Apošnija hady jon pracavaŭ daradcam Łukašenki.
Da prychodu na dziaržaŭnuju słužbu Alaksandr Kosiniec zrabiŭ vydatnuju karjeru ŭ miedycynie. Jon byŭ viadomym u krainie chirurham, užo ŭ 37 hadoŭ staŭ prafiesaram. Pabyvaŭ taksama rektaram Viciebskaha miedycynskaha ŭniviersiteta.
Łukašenka ŭ svoj čas charaktaryzavaŭ Kosinca jak vielmi haračaha čałavieka, a na siońniašnim UNS taksama adznačyŭ jahonuju rezkaść, ličačy heta stanoŭčaj jakaściu.
«Heta pracaholik i patryjot. Ja navat u svoj čas zasumniavaŭsia. Dumaju, ci nie staić chto-niebudź adtul — ci z Uschodu, ci z Zachadu — za śpinaj hetaha čałavieka: jon nastolki byŭ rašučym u vykanańni tych daručeńniaŭ, jakija ja jamu davaŭ. Časta ja praviaraŭ jaho hetymi daručeńniami, — zaŭvažyŭ Alaksandr Łukašenka svaim asipłym hołasam u karotkaj replicy pra Kasinca. — Kosiniec jakim byŭ, takim i zastaŭsia — nadziejnym i patryjatyčnym čałaviekam», — padsumavaŭ jon.
Čytajcie taksama: «Dy jon usich zakałupaŭ!» Upieršyniu ŭ Łukašenki źjaviŭsia namieśnik. Chto jon — Alaksandr Kosiniec?
U toj ža čas, kali Kosiniec uznačalvaŭ Administracyju Łukašenki, apošni nie raz rezka krytykavaŭ jaho za niazdolnaść vyrašyć kadravyja pytańni, a taksama za toje, što administracyja nie zjaŭlajecca centram, jaki prapanoŭvaje praktyčnyja rašeńni.
Insajdary kazali, što Kosiniec tady nažyŭ sabie niamała vorahaŭ u dziaržaŭnym aparacie, bo ŭłaziŭ u kožnuju spravu, byŭ inicyjatyŭna aktyŭnym.
U 2005—2008 hadach jon byŭ namieśnikam premjer-ministra, a ŭ 2008—2014-m kiravaŭ Viciebskaj vobłaściu.
U śniežni 2016 hodzie, nieŭzabavie pa skančeńni vybaraŭ u Pałatu pradstaŭnikoŭ, Kosiniec byŭ zvolnieny z pasady kiraŭnika administracyi Łukašenki, a praz paŭhoda byŭ pryznačany pamočnikam Łukašenki. Hetuju pasadu jon i zajmaŭ amal siem hadoŭ.
Jak składalisia losy byłych kiraŭnikoŭ Administracyi Łukašenki
Prapahandyst Tur, jaki krytykavaŭ sonnych čynoŭnikaŭ na naradach, sam zasnuŭ padčas pramovy Łukašenki
Krajnie chrypły Łukašenka pačaŭ vystup na UNS z vajaŭniča antyzachodniaj rytoryki
Chto jana, delehatka UNS z samaj aryhinalnaj pryčoskaj? FOTAFAKT
Bieź mikrachvaloŭki abo płanšeta — što padaryli delehatam UNS hetym razam
Kaho vyłučyli ŭ prezidyum «Usiebiełaruskaha narodnaha schodu»
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»24
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary