Biełaruś zaprošanaja na ministerski samit «Vialikaj siamiorki»
Daradca Śviatłany Cichanoŭskaj pa pytańniach dypłamatyi Dzianis Kučynski raspavioŭ pra dźvie značnyja padziei, jakija, jak jon spadziajecca, dapamohuć viarnuć fokus na Biełaruś.
Upieršyniu Biełaruś budzie pradstaŭlenaja na ministerskim samicie «Vialikaj siamiorki», havoryć Kučynski.
Tam źbiarucca pradstaŭniki najbujniejšych demakratyjaŭ śvietu, jakija składajuć kala 45% suśvietnaj ekanomiki. Samit projdzie ŭ Italii, u Kapry. «Heta absalutna ŭnikalnaja padzieja. Heta pieršy samit G7, na jaki zaprošanaja Biełaruś», — kaža Kučynski.
Druhoje zaprašeńnie — taksama biesprecedentnaje — zaprašeńnie na samit usich śpikieraŭ parłamientaŭ ES. Tam budzie tolki dva hościa, pavodle słoŭ Kučynskaha, — karol Ispanii, dzie i adbudziecca samit, i Śviatłana Cichanoŭskaja.
Na abodvuch hetych mierapryjemstvach Cichanoŭskaja budzie havaryć pra palitviaźniaŭ, pra toje, jak vyvieści Biełaruś z vajny i jakaja stratehija pavinna być pryniataja zachodnim śvietam, kab adnavić demakratyju ŭ Biełarusi. «Hetyja niekalki dzion dapamohuć nam viarnuć fokus na Biełaruś», — kaža Kučynski.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami4
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4646
Kamientary