Kolki biełaruskich firmaŭ i ich rabotnikaŭ rełakavałasia ŭ Litvu?
Usiaho ŭ Litvie žyvie bolš za 62 tysiačy biełarusaŭ.
9 krasavika ŭ Vilni prachodzić treci Forum biełaruskich pradprymalnikaŭ. Na im ekanamisty i čynoŭniki padzialilisia niekatorymi ličbami pra žyćcio biełarusaŭ u Litvie.
Namieśnik kiraŭnika Departamienta mihracyi Lucyja Vojšnis raskazała, što
z 2020 hoda 70 biełaruskich firmaŭ było rełakavana ŭ Litvu i pa stanie na 2023 hod rełakavalisia amal 5500 biełarusaŭ, jakija pracujuć u hetych firmach. Pavodle jaje słoŭ, na siońnia ŭ Litvie aficyjna žyvie 62 830 biełarusaŭ, i ŭ 74% ź biełarusaŭ farmalnaja nahoda dla lehalizacyi — praca.
Kala paŭtary tysiačy biełarusaŭ na siońnia atrymali humanitarnyja DNŽ praz pasiarednictva litoŭskaha MZS, ale častka biełarusaŭ, jakija pierajechali ŭ Litvu praz humanitarnyja pryčyny, lehalizavalisia ŭ krainie pa pracoŭnych DNŽ.
Kiraŭnik Freedom House Vicis Jurkonis zaŭvažaje, što mieła miesca niekalki dziasiatkaŭ vypadkaŭ, kali biełarusy z humanitarnymi DNŽ viartalisia ŭ Biełaruś i praz heta niekatoryja humanitarnyja DNŽ byli anulavanyja: «Padstava dla humanitarnaha DNŽ — ryzyka ŭ vypadku viartańnia ŭ Biełaruś. Ale kali čałaviek atrymlivaje DNŽ i viartajecca ŭ krainu, u niekatorych vypadkach DNŽ anulujecca, i dla niekatorych biełarusaŭ heta niečakana».
Jurkonis kaža, što takaja situacyja charakternaja nie dla aktyvistaŭ, a čaściej dla členaŭ ich siamiej. Jon raić adroźnivać tych biełarusaŭ, chto niepasredna pad ryzykaj, i tych, chto ź imi źviazany.
Forum biełaruskich pradprymalnikaŭ arhanizavany Asacyjacyjaj biełaruskaha biznesu za miažoj (AVVA). Arhanizacyja stvoranaja ŭ žniŭni 2021 hoda z metaj dapamahać biznesu ź biełaruskimi karaniami ŭ pracy ŭ demakratyčnych krainach.
«Naša Niva» — bastyjon biełaruščyny
PADTRYMAĆČytajcie taksama:
Łukašenka pryznaŭ, što biełaruskaja pradukcyja sastupaje rasijskaj pa jakaści i canie
Kolki sapraŭdy zarablajuć biełaruskija daktary? Spytali ŭ ich
«Kraina hublaje ludziej z vysokimi dachodami». Što adbyvajecca ŭ biełaruskaj ajcišcy
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie15
Kamientary