Rabotnika BMZ, jakoha abiacali adpuścić, prysudzili da hoda kałonii za raspalvańnie varožaści
Dźmitryj Ščarbin — były supracoŭnik BMZ, byŭ zatrymany 11 kastryčnika 2023 h. supracoŭnikami milicyi za kamientary ŭ sacyjalnych sietkach.
28 lutaha ŭ Homielskim abłasnym sudzie byŭ vyniesieny prysud Dźmitryju Ščarbinu pa častcy 1 artykuła 130 (raspalvańnie rasavaj, nacyjanalnaj, relihijnaj ci inšaj sacyjalnaj varožaści ci varažniečy) Kryminalnaha kodeksa, piša «Viasna».
Spravu razhladaŭ sudździa Vadzim Babyroŭ i pakaraŭ Dźmitryja hodam pazbaŭleńnia voli va ŭmovach ahulnaha režymu. Prysud nie ŭstupiŭ u zakonnuju siłu.
Dźmitryj Ščarbin — były supracoŭnik BMZ, byŭ zatrymany 11 kastryčnika 2023 h. supracoŭnikami milicyi za kamientary ŭ sacyjalnych sietkach.
«Paśla ščyraj hutarki z supracoŭnikami pravaachoŭnych orhanaŭ i vyraznaj acenki svaich dziejańniaŭ jon moža spakojna žyć i pracavać. Tak što milicyja vykarystoŭvaje nie tolki siłavyja mietady, ale i razmovy pa dušach. Pałku nichto nie pierahinaje», — nahadvaje «Miedyjazona», jak pisali tady aŭtary praŭładnaha kanała pra jaho zatrymańnie.
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary