Eks-palitviazień Žamčužny, jaki ahułam adsiedzieŭ 11 hadoŭ, vyjechaŭ ź Biełarusi
Pra toje, što były palitviazień Michaił Žamčužny ŭžo peŭny čas znachodzicca za miažoj, stała viadoma z anonsu jahonaj sustrečy-dyskusii ŭ Vilni, raspaŭsiudžanaha telehram-kanałam dapamoga.
Michaił Žamčužny — były palitviazień, čałaviek, jaki pravioŭ za kratami bolš za 11 hod, hramadski aktyvist, pravaabaronca, zasnavalnik «Płatform inavejšn», navukoviec, dacent, kandydat techničnych navuk, aŭtar niekalkich navukovych manahrafij i raspracovak.
Jon byŭ asudžany ŭ 2015 hodzie da 6,5 hadoŭ kałonii za padbuchtorvańnie da naŭmysnaha vydavańnia źviestak, jakija składajuć słužbovuju tajnu, niezakonnaje nabyćcio srodkaŭ dla sakretnaha atrymańnia infarmacyi, a taksama daču chabaru. Pryčyny hetaha źniavoleńnia byli pryznanyja palityčnymi. Doŭhi čas, až da 2020 hoda, jon ličyŭsia adzinym palitviaźniem u Biełarusi.
Michaił vyjšaŭ na volu 19 lutaha 2021 hoda, adbyŭšy ŭvieś termin.
Da Michaiła Žamčužnaha pryjšli padčas maštabnaha chapunu, zładžanaha siłavikami suprać byłych palitviaźniaŭ i ich svajakoŭ 23-24 studzienia. 25 studzienia stała viadoma, što jon zatrymany, paśla taho nijakaj infarmacyi ŭ publičnaj śfiery pra jaho nie źjaŭlałasia.
Eks-palitviaźniu Michaiłu Žamčužnamu chacieli ŭzmacnić režym previentyŭnaha nahladu, ale sud admoviŭ
«Miensk šukaje arhanizataraŭ i finansistaŭ pratestaŭ». Byłoha palitviaźnia Michaiła Žamčužnaha adpuścili paśla dopytu
Seks-orhija zekaŭ, $100 milicyjantu za infarmacyju i 520 sutak u ŠIZA — hutarka z palitviaźniem Michaiłam Žamčužnym paśla vyzvaleńnia
Palitviazień Michaił Žamčužny vyjšaŭ na volu paśla 6,5 hadoŭ u kałonii
Ciapier čytajuć
Kaleha pamierłaha vykładčyka Ščukina: Jaho kinuła žonka ź dziećmi, pačałasia depresija. U vyniku zvolnili za prahuły8
Kamientary