Padčas dyskusii abmiarkoŭvali šlachi pryciahnieńnia režymu da adkaznaści, a taksama padtrymku hramadzianskaj supolnaści i miedyja.
U Ofisie Śviatłany Cichanoŭskaj adbyłasia vialikaja sustreča śpiecpasłańnikaŭ i dypłamataŭ, jakija pracujuć pa biełaruskich pytańniach, paviedamlaje telehram-kanał demakratyčnaha lidara Biełarusi.
Udzieł brali pradstaŭniki 17 krainaŭ: Kanady, Češskaj Respubliki, Estonii, Francyi, Hiermanii, Irłandyi, Izraila, Łatvii, Litvy, Narviehii, Polščy, Ispanii, Šviecyi, Ukrainy, Vialikabrytanii, ZŠA. Da sustrečy taksama dałučyŭsia ambasadar Ukrainy dla asablivych daručeńniaŭ u spravie Biełarusi Ihar Kizim.
«U Biełarusi šmat prablemaŭ. Samaja vialikaja — ludzi ŭ turmach pamirajuć. I ŭ nas niama prostaha recepta, jak ich vyzvalić. Uzrovień represijaŭ nastolki vysoki, što našaja prastora dla dziejańniaŭ unutry krainy vielmi abmiežavanaja», — źviarnuła ŭvahu Śviatłana Cichanoŭskaja.
«Łukašenkaŭskaja prapahanda sprabuje pierakanać ludziej u tym, što jany kinutyja, i ŭ Jeŭropie nas nichto nie čakaje. Ja spadziajusia, što ŭ svajoj kamunikacyi vy budziecie padkreślivać: demakratyčnaja Biełaruś zasłuhoŭvaje taho, kab stać častkaj jeŭrapiejskaj siamji», — dadała jana.
Śviatłana Cichanoŭskaja zajaviła, što Ofis namahajecca zadavalniać praktyčnyja patreby biełaruskich ludziej u vyhnańni.
«Pa-pieršaje, my vystupajem za pavieličeńnie kolkaści vizaŭ. Pa-druhoje, my prosim pryznavać praterminavanyja pašparty, vydavać pašparty zamiežnika i spraścić praceduru atrymańnia vidaŭ na žycharstva»», — adznačyła jana.
Padčas dyskusii abmiarkoŭvali šlachi pryciahnieńnia režymu da adkaznaści, a taksama padtrymku hramadzianskaj supolnaści i miedyja.
-
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak
-
Paviedamleńnie, što na fest u Budsłavie pryjazdžaŭ mitrapalit Vienijamin, było pamyłkovym
-
Na Sož spuścili «Pasiejdona». U Homieli stvaryli sučasny ciepłachod z soniečnymi panelami i pieršym u Biełarusi vadamiotnym ruchačom
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary