U Kamitecie dziaržaŭnaj biaśpieki nazvali try proźviščy ludziej, nibyta zatrymanych 15 lutaha na biełaruska-ŭkrainskaj miažy. Dva ź ich — hramadzianie Ukrainy, adzin — Biełarusi.
Zatrymanyja hramadzianie Ukrainy — baćka i syn Siarhiej i Pavieł Kabarčuki.
Paviedamlajecca, što Siarhiej Kabarčuk (mianuška «Batler») 1963 hoda naradžeńnia, žyvie ŭ Kovielskim rajonie Vałynskaj vobłaści, źjaŭlajecca byłym supracoŭnikam Dziaržaŭnaj pamiežnaj słužby Ukrainy. Paśla zvalnieńnia nibyta zajmaŭsia kantrabandnaj dziejnaściu sumiesna z synami Bahdanam 1997 hoda naradžeńnia i Paŭłam 1993 hoda naradžeńnia.
Zatrymany hramadzianin Biełarusi — žychar Bresta Vital Ułasiuk 1970 hoda naradžeńnia.
Biełaruskaja prapahanda śćviardžaje, što zatrymanyja — dyviersanty. Zakid dyviersijnaj hrupy, jak śćviardžajecca, u Biełaruś byŭ arhanizavany SBU.
«Členy DRH atrymali bomby niepasredna pierad pierachodam biełaruskaj miažy. Vybuchovyja pryłady pryznačalisia dla ździajśnieńnia teraktaŭ na terytoryi Rasii i Biełarusi», — paviedamlaje KDB. Hetaje śćviardžeńnie pakul niemahčyma pravieryć.
U minułyja hady biełaruskija ŭłady pierad vybarami ci ŭ čas pratestaŭ nieadnarazova raspaŭsiudžvali chłuślivuju infarmacyju ab «praryvie džypaŭ» praz ukrainskuju miažu ci «zatrymańni dyviersantaŭ».
U KDB raskazali, što nibyta zatrymali ŭ Lelčyckim rajonie dyviersantaŭ SBU
Łukašenka raskazaŭ pra kontrterarystyčnuju apieracyju ŭ Lelčycach
Praviadzieńnie kontrterarystyčnaj apieracyi ŭ Lelčyckim rajonie zavieršana. Ale što heta było — zahadka
Lelčycki vykankam patłumačyŭ uviadzieńnie ŭ rajonie režymu kontrterarystyčnaj apieracyi vučeńniami
U Lelčycach na miažy z Ukrainaj uviedzieny režym kontrterarystyčnaj apieracyi
Kaśpiaroviča pierad hibiellu dapytvali ŭ polskaj kontrraźviedcy — raspytvali pra vizy dla ahientaŭ AAC z pašpartami prykryćcia i pra Bulbu25
Kamientary
Kak tolko dojka stała niedostatočnoj, pieriekvalificirovali v diviersantov i drh.