Kolki kaštujuć adny i tyja ž pradukty ŭ roznych handlovych sietkach i dzie bolš vyhadna zakuplacca.
BAR24 pahladzieŭ na prykładzie Baranavičaŭ.
U śpis praduktaŭ unieśli tavary, jakija, viadoma, nie kuplaješ štodnia, ale 1-2 razy na miesiac — dakładna. A niešta i čaściej. Tavary imknulisia brać adnaho najmieńnia i vahi. Što tyčycca harodniny i sadaviny, to ŭ košyk «adpraŭlalisia» toje, što kaštavała tańniej.
Manitorynh pravodzili ŭ kramach troch handlovych sietak: «Karona», «Jeŭraopt» i «Biełmarkiet». Pa pakupki adpravilisia dniom 15 lutaha.
Što tańniej u «Karonie»…
U kramie handlovaj sietcy «Karona» siarod vyhadnych pazicyj u hety dzień akazalisia tolki jajki — 2,88 rub. za dziasiatak (C-2).
A voś banany i farš ź miasa ptuški tut byli samymi darahimi siarod kramaŭ, dzie manitoryli ceny. Banany kaštavali 6,22 rub. za 1 kiłahram. A farš — 10,49 rub.
…a što ŭ «Biełmarkiecie»
Što tyčycca «Biełmarkieta», to ŭ hetym miesiacy samych tannych tavaraŭ z našaha śpisu tut nie akazałasia. Naadvarot, byli pazicyi daražejšyja, čym u kankurentaŭ.
Siarod ich čaj TESS, jabłyki, bulba, čyrvonaja ryba, kuryca, jajki i ahurki.
Što pa cenach u «Jeŭraopcie»
U hetaj handlovaj ustanovie vosiem pazicyj sa śpisu akazalisia pa bolš vyhadnaj canie. Tańniej tut akazałasia kupić raspuščalnuju kavu Jacobs Monarch (11,45 rub.) i harbatu TESS (2,99 rub.).
Amal na rubiel nižejšaj była cana na jabłyki. Na 2 rubli 87 kapiejek tańniej, čym u «Biełmarkiecie», kaštavała ŭpakoŭka čyrvonaj ryby.
Mienš była cana taksama na farš ź miasa ptuški, tušku kurania-brojlera i šampanskaje.
Vynikovy ček
Paśla kančatkovaha padliku (biez uliku cany tamataŭ) vyjaviłasia, što tańniej za ŭsio košyk praduktaŭ pavodle hetaha śpisu ŭ «Jeŭraopcie»: suma za ŭsie pakupki skłała 74,21 rub. Na 4 rubli 38 kapiejek bolš daviałosia b zapłacić za taki ž nabor u «karonie» — 78,59 rub. U «Biełmarkiecie» daviałosia b addać 79,91 rub.
Ciapier čytajuć
«Kab kupić dom, pracavała na narkazavodzie». Paśla 2020-ha biełaruska ź piaćciu dziećmi pierajechała ŭ Kanadu14
«Kab kupić dom, pracavała na narkazavodzie». Paśla 2020-ha biełaruska ź piaćciu dziećmi pierajechała ŭ Kanadu
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła44
Kamientary