Tramp choča praz spynieńnie padtrymki prymusić Ukrainu da pieramovaŭ z Rasijaj
Donald Tramp choča padšturchnuć Ukrainu da pieramovaŭ z Rasijaj i spynieńnia vajny ŭ vypadku svajho abrańnia na pasadu prezidenta ZŠA. Taksama jon razhladaje mahčymaść pamianšeńnia abaviazacielstvaŭ pierad niekatorymi členami NATA, piša Bloomberg sa spasyłkaj na krynicy.
Pavodle vydańnia, sajuźniki Trampa abmiarkoŭvajuć dvuchuzroŭnievy aljans NATA, dzie piaty artykuł, jaki abviaščaje, što napad na adnu z krain błoka zjaŭlajecca napadam na ŭsich, budzie prymianiacca tolki da dziaržaŭ, jakija dasiahajuć met pa raschodach na abaronu. Ciapier heta 2% ad VUP, i bolšaść krain NATA jaje nie dasiahajuć.
Akramia taho, u Trampa abmiarkoŭvajecca mahčymaść pasadzić prezidenta Ukrainy Uładzimira Zialenskaha i prezidenta Rasii Uładzimira Pucina za stoł pieramovaŭ. Pa słovach adnaho z daradcaŭ Trampa, hetamu moža paspryjać poŭnaje adrazańnie ad amierykanskaj dapamohi.
Hetyja inicyjatyvy, kali jany buduć realizavany, «pieraviernuć z noh na hałavu dziesiacihodździ palityki ZŠA», piša vydańnie.
Raniej Tramp skazaŭ, što, kali krainy NATA nie vykonvajuć svaje finansavyja abaviazalnictvy pierad aljansam, jon nie stanie pieraškadžać rasiejskim vojskam rabić na ich terytoryi «ŭsio, što jany zachočuć».
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary
Nažal usia finsystema zaviazana na$ ..pabačili b čierhi za pachlebkaj palivam Jaščie toj bizsmien hiety Tramp)) Kolki bankructv?? Navat z bł..ohieršami z partyjnaj kasy razrachouvajecca))