«Heta vioska dla žyćcia ci dla ździekavańnia homielskich uład?» Žycharka vioski zapisała zvarot da Łukašenki i pahražaje pikietam kala abłvykankama
Piensijanierka ź vioski Ivańkoŭ Homielskaha rajona zapisała zvarot da Łukašenki. Jana choča, kab jon pryjechaŭ da jaje, a jana raspaviadzie jamu pra svaju prablemu sa «śmiardziučaj vadoj». Usie astatnija instancyi, uklučajučy Kačanavu, žančyna ŭžo prajšła.
Emacyjny zvarot vieterana pracy Lubovi Jermałajevaj, jakaja zajaviła ab pierachodzie ŭładami «čyrvonych linij» i paabiacała pikiet pad abłvykankamam u tyktoku, zaŭvažyŭ «Fłahštok».
«U červieni paciakła śmiardziučaja vada. Zaviezła ŭ sanstancyju, kab pravieryć. Analizy pakazali pieravyšeńnie normy nitrataŭ. (…) Vada maje pach «chimii», chacia vakoł les, niama ni kałhasa, ničoha niama. I pačalisia maje chadžeńni pa pakutach».
Žančyna źviartałasia da pamočnika prezidenta pa Homielskaj vobłaści. Toj, pavodle słoŭ viaskoŭki, daŭ ukazańnie staršyni Homielskaha rajvykankama daabśledavać śvidravinu, ale «ničoha hetaha zroblena nie było». U vyniku ŭ kancy śniežnia piensijanierka źviarnułasia da staršyni abłvykankama Ivana Krupko. Toj skazaŭ, što nieabchodna pačyścić studniu, jakaja znachodzicca pa susiedstvie sa śvidravinaj i moža być pryčynaj trapleńnia nitrataŭ u vadu.
Pradstaŭniki ŽKH pryjechali čyścić studniu, ale kolcy tam stali ssoŭvacca, i čałaviek tam ledź nie zahinuŭ.
Paśla hetaha viaskoŭka źviarnułasia da staršyni Savieta Respubliki Natalli Kačanavaj, raspaviała žančyna, pakazvajučy stos papieraŭ — adkazaŭ miascovych uładaŭ, i začytała «samy strašny», pavodle jaje słoŭ, adkaz:
«Homielski abłvykankam, razhledzieŭšy vaš zvarot, infarmuje, što ŭ aŭtamahazinie da realizacyi prapanavana butelavanaja vada».
«Ja kuplaju vadu ŭ aŭtałaŭcy, a kab pryvieści siabie ŭ paradak, jezdžu za 17 kiłamietraŭ i biaru tam vadu», — havoryć žančyna.
Piensijanierka dadaje, što zamiest vyrašeńnia prablemy joj prapanavali za svaje hrošy pahłybić śvidravinu, kab vada stała čystaj. Heta aburyła viaskoŭku:
«Alaksandr Ryhoravič, vy ŭvieś čas kažacie, što čyrvonuju liniju pierachodzić nielha. Našyja ŭłady pierajšli čyrvonuju liniju. Punkt kipieńnia ŭžo projdzieny (…) Ja taplu śnieh, kab napaić kuračak. Heta vioska dla žyćcia ci dla ździekavańnia homielskich uład? Ja ŭžo nie kažu pra čystku daroh — ni pra što nie dahavaru. Ale prymusić piensijanierku kuplać vadu…»
Žančyna kaža, što ŭvieś čas hałasavała za Łukašenku i ŭ 2020 hodzie «płakała, kab nie daj Boh…»
U vyniku piensijanierka zajaviła, što vyrašyła namalavać płakat z nadpisam «Chaču žyć i pić čystuju vadu» i adpravicca ź im na pikiet da Homielskaha abłvykankama.
Žurnalisty znajšli publikacyi ab prablemie žančyny ŭ aficyjnaj haziecie Homielskaha rajvykankama. U listapadzie 2023 hoda vydańnie «Majak» pisała ab tym, što redakcyja nakiravała listy ŭ instancyi i sočyć za raźvićciom situacyi. A ŭ lutym 2024 hoda — ab tym, što «zastaniecca na suviazi ź Luboŭju Jaŭhienaŭnaj» i znoŭ budzie sačyć za raźvićciom padziej.
Pry hetym redakcyja spasłałasia na kamientary pad rolikami ŭ TikTok: «Viadoma, situacyja niaprostaja. Što cikava, u kamientarach da videa ŭ sacyjalnaj sietcy mierkavańni ludziej padzialilisia. Viadoma, jość tyja, chto spačuvaje pažyłoj žančynie. Ale bolšaść ličyć, što jana pavinna sama vyrašyć svajo pytańnie, bo havorka idzie pra vodazabieśpiačeńnie asabistaha padvorka».
Z dyrektaram rybakansiervavaha kambinata «Staličny» zapisali pakajannaje videa
«Nieadnarazova pryciahvaŭsia da administracyjnaj adkaznaści». Situacyju na rybakansiervavym kambinacie prakamientavała i Minpracy
Rabotniki minskaha rybakansiervavaha kambinata nie atrymlivajuć piać miesiacaŭ zarobak. Jany zapisali zvarot da Łukašenki
Ciapier čytajuć
Padazronaha aktyvista-stukača Paŭła Bialucina pryvieźli z Turcyi1
Kamientary