Apieratyŭna-analityčny centr pry Łukašenku (AAC) zajmieŭ paŭnamoctvy samastojna adklučać telekamunikacyi, vynikaje z pastanovy Savieta ministraŭ № 88 ad 6 lutaha. Anałahičny status jašče raniej zajmieli ministerstvy abarony, unutranych spraŭ i pa nadzvyčajnych situacyjach, a taksama KDB i pamiežny dy mytny kamitety, piša «Pozirk».
Dakumient siarod inšaha ŭdakładniaje paradak «pryjarytetnaha vykarystańnia, prypynieńnia abo abmiežavańnia vykarystańnia sietak i srodkaŭ elektrasuviazi pry ŭźniknieńni nadzvyčajnych situacyj, uviadzieńni nadzvyčajnaha abo vajennaha stanovišča».
Status pryjarytetnaha karystalnika aznačaje, što pry ŭviadzieńni nadzvyčajnaha stanovišča apieratary elektrasuviazi dajuć dostup da svaich sietak i srodkaŭ u pieršuju čarhu «orhanam unutranych spraŭ, dziaržaŭnaj biaśpieki, dziaržaŭnaj achovy, unutranym vojskam, orhanam i padraździaleńniam pa nadzvyčajnych situacyjach», a ciapier i AAC. Apieratary abaviazanyja akazvać im «inšaje sadziejničańnie ŭ paradku i na ŭmovach, jakija vyznačajucca ŭ akcie ab uviadzieńni nadzvyčajnaha stanovišča».
Raniej «rašeńni ab prypynieńni abo abmiežavańni vykarystańnia sietki elektrasuviazi ahulnaha karystańnia» prymała tolki Ministerstva suviazi i infarmatyzacyi «na padstavie zvarotu pryjarytetnych karystalnikaŭ». Ciapier takija rašeńni moža prymać i AAC, pryčym nie čakajučy zvarotaŭ pryjarytetnych karystalnikaŭ.
Stvorany ŭ 2008 hodzie Apieratyŭna-analityčny centr — orhan, jaki adkazvaje za abaronu achoŭnaj infarmacyi, dziaržaŭnych sakretaŭ ad uciečki pa techničnych kanałach. Hetaja struktura datyčnaja da błakavańnia internetu padčas masavych pratestaŭ u 2020 hodzie, u tym liku na padstavie jaho rašeńnia błakavalisia resursy niezaležnych ŚMI. Maje techničnyja mahčymaści sačyć za hramadzianami ŭ internecie, kantralavać telefonnyja pieramovy i inš.
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary