Dačka zasnavalnika partała tut.by Juryja Zisiera Jaŭhienija Čarniaŭskaja paviedamiła ŭ sacsietkach, što ŭłady Biełarusi «adchapili» ŭ jaje damien tut.by, a taksama inšyja ź im źviazanyja damieny, što naležali siamji Zisiera i zasnavanaj im kampanii: afisha.by, jenny.by, newstut.by, rebenok.by, tutby.by.
Pavodle słoŭ Čarniaŭskaj, spravu praviali za paŭtara tydnia ŭ adnabakovym paradku, a kab niejak hetamu supraćstajać, patrebna była jaje asabistaja prysutnaść u Biełarusi. Sama žančyna daŭno žyvie ŭ Izraili, a niadaŭna za miažu vyjechała i jaje maci, udava Juryja Zisiera Julija Čarniaŭskaja.
Farmalnym parušeńniem pasłužyli niapravilnyja pašpartnyja źviestki ŭ asabistym kabiniecie hoster.by, jakija dystancyjna vypravić nie ŭdavałasia. Zvaroty ŭ słužbu padtrymki hoster.by vyniku nie mieli. Jak vynikaje z paviedamleńnia, 29 śniežnia 2023 hoda AAC pryniaŭ rašeńnie pra anulavańnie zapisu ab rehistracyi damiennych imionaŭ afisha.by, jenny.by, newstut.by, rebenok.by, tutby.by i tut.by.
Zasnavalnik partała tut.by i ŭładalnik damienaŭ Juryj Zisier pamior paśla ciažkaj chvaroby 17 maja 2020 hoda, a sam partał, najbolš papularny ŭ Biełarusi, byŭ źniščany ŭładami ŭ lipieni 2021 hoda. Častka kiraŭnictva była aryštavanaja, hienieralnaja dyrektarka partała Ludmiła Čekina i hałoŭnaja redaktarka Maryna Zołatava ŭ sakaviku 2023 hoda byli asudžanyja na 12 hadoŭ źniavoleńnia. Supracoŭniki, jakim udałosia vyjechać za miažu, abjadnanyja ciapier vakoł sajta «Lusterka».
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary
"Oj [sarkastyčna], i biełorusskaja hazieta ob etom napisała?! [podumaješ dostižienije] Ja čitaju Chartiju 97 i tutbaj, tam tožie mnoho intieriesnoho", -- heta nie chto-niebudź i nie dzie-niebudź vypalvaje ŭ adkaz na absalutna zdavałasia b niejtralnuju frazu pra artykuł na NN, datyčna biźniesu Tapuzidzisa.
Praciahvajcie dublicyravać NN na ruskaj. Ja vam pieraškodzić nie mahu. Ale i fejki pra padtrymku biełaruskamoŭnych čytačoŭ u vas nie projduć.
Vyvučajučy movu, čałaviek pracuje sa słoŭnikam, a vy nivielujecie vysiłki biełaruskamoŭnaha da ŭzroŭniu absalutna abyjakavych da biełaruskaj movy ludziej. Ukraincy robiać inakš. Na ich sajtach niama hłabalnaha śviča RUS, a tolki łakalnyja "čitať po-russki". Heta razumna. Jość ciažkaści sa skaračeńniami, abrevijaturami, fraziejałahizmami. Ale tut inicyjatyva pieradajecca čytaču na ŭzroŭni artykuła, a nie hłabalna na ŭvieś sajt.
Staŭleńnie pradstaŭnikoŭ siamiejstva Zisiera da biełaruskaj ad pačatku było hreblivym, prosta z toj nahody, što nichto ź ich sam hetaju movaju nie vyłodaŭ, nie imknuŭsia jaje vyvučać, a kiravaŭsia tolki svaimi asabistymi intaresami. Atrymać adukacyju na ruskaj, pracavać u sistemie adukacyi, karystajučysia ruskaj, i raptam dać siabie pieratvaryć u rybu na bierazie, jakaja chapaje pavietra rotam u pošukach słova. Heta nie dla takich canicielaŭ svajho sacyjalnaha statusu, jak pakojny Zisier i inšyja.