U Čavuskim rajonie ŭčadzieła siamja z šaści čałaviek. Čaćviora dziaciej špitalizavali ŭ ciažkim stanie
Siamja — dvoje darosłych i čaćviora dziaciej — pryjechała na lecišča, darosłyja zapalili ŭ piečy, a praź niekatory čas usio adčuli adny i tyja ž simptomy niedamahańnia.
Śpiecyjalisty chutkaj dapamohi dyjahnastavali va ŭsich členaŭ siamji atručeńnie čadnym hazam i špitalizavali ŭ Mahiloŭ, paviedamlaje Minzdaroŭja ŭ svaim telehram-kanale.
Zaraz daktary Mahiloŭskaj abłasnoj dziciačaj balnicy kanstatujuć u dziaciej stan siaredniaj ciažkaści. Im pravodziacca nieabchodnyja manipulacyi, u tym liku idzie aktyŭnaje nasyčeńnie lohkich kisłarodam. Darosłyja, paśla ahladu i praviadzieńnia nieabchodnych analizaŭ, pakinuli balnicu.
Minzdaroŭja nahadvaje simptomy atručvańnia čadam:
- — ślozaciok biez bačnych pryčyn;
- — hałavakružeńnie i bol u vobłaści skroniaŭ i łba;
- — vanitavańnie ci padvanitavańnie;
- — suchi kašal;
- — častaje sercabićcie abo tachikardyja;
- — pamutnieńnie śviadomaści i zbłytanaść dumak;
- — źjaŭleńnie słychavych i zrokavych halucynacyj.
Dla akazańnia pieršaj dapamohi paciarpiełym nieabchodna:
- — jak maha chutčej vynieści paciarpiełaha na śviežaje pavietra;
- — ablehčyć dychańnie (ačyścić dychalnyja šlachi), rasšpilić adzieńnie, pakłaści paciarpiełaha na bok;
- — astudzić tvar i hrudzi (ledzianaja vada ci śnieh);
- — stymulavać dychańnie (padnieści našatyr);
- — vyklikać chutkuju dapamohu.
Ciapier čytajuć
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku5959
Kamientary