Adnapakajovyja kvatery ŭ Minsku patańnieli — nietypovaja situacyja
Inšyja kvatery tradycyjna daraželi.
Pra nietypovuju situacyju na minskim rynku nieruchomaści ŭ studzieni pišacca ŭ spravazdačy kampanii «Avanhard nieruchomaść».
U studzieni 2024 hoda ŭ Minsku prajšło 1030 ździełak.
Heta mienš, čym zvyčajna, ale pry hetym ździełki byli daražejšyja, čym u minułych miesiacach. Siaredni košt adnaho kvadratnaha mietra ŭ Minsku vyras da $1441. Heta na 2,2% bolš, čym u śniežni 2023-ha. Rost u paraŭnańni sa studzieniem minułaha hoda 8,6%.
Na praciahu ŭsiaho 2023 hoda cana 1-pakajovych kvater rasła. U studzieni adbyłosia niaznačnaje źnižeńnie na 1,6% u paraŭnańni z papiarednim miesiacam. Na fonie rostu cen u inšych siehmientach hetaja situacyja dosyć nietypovaja.
Siaredniaja cana za mietr u minskich adnuškach u studzieni skłała $1529.
50% ździełak u studzieni — z 1-pakajovymi kvaterami. I amal treć z 2-pakajovymi. Hetaja situacyja typovaja dla rynku stalicy.
Samy tanny kvadratny mietr studzienia znachodzicca na zavułku Čarviakova, 4. Pakupniki zapłacili pa $727 za kožny z 62 kvadratnych mietraŭ. Ahulnaja suma ździełki — 45 000 dalaraŭ.
Samy darahi kvadratny mietr — na vuł. Panfiłava, 3. Kvatera płoščaj 45,2 «kvadrata» była pradadzienaja za 143 000 dalaraŭ. Košt kvadratnaha mietra — $3164.
Samaja biudžetnaja ździełka studzienia prajšła pa abjekcie na zavułku Samarskim, 8. Jaho nabyli za 21 000 dalaraŭ (abo $1321 za mietr kvadratny).
Samaja darahaja ździełka — pa kvatery na vuł. Drujskaja, 61. Tam 194,3 mietry byli pradadzienyja za 383 000 dalaraŭ. Za kožny kvadratny mietr pakupnik zapłaciŭ $1971.
Minčanka, ašukanaja machlarom, admoviłasia vyzvalać pradadzienuju kvateru i pajšła ŭ sud. Što z hetaha vyjšła?
U samym sercy staroha Minska pradajecca staradaŭni budynak sa znakavym kaliści restaranam. Cana prosta kaśmičnaja
Niekatoryja šmatpaviarchoviki abaviazali zdavać tolki z unutranym azdableńniem
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary