U Homieli taksama možna apłacić prajezd u aŭtobusie bankaŭskaj kartaj
Pakul pašancavała tolki pasažyram adnaho maršrutu, ale chutka prajekt pašyrać.
U Homieli, śledam za Mahilovam, zapracavała sistema apłaty prajezdu ŭ hramadskim transparcie bankaŭskimi kartami, piša tochka.by.
Heta piłotny prajekt, jon startavaŭ z papularnaha ŭ haradžan aŭtobusnaha maršrutu №20 «Miedharadok — Staraja Vołatava».
Za prajezd možna raźličycca bieskantaktavaj kartaj luboha biełaruskaha banka. Sistema padtrymlivaje płaciežnyja sistemy Biełkart, Mir, Visa i Mastercard.
Košt pajezdki standartny i roŭny koštu zvykłaha papiarovaha tałona ŭ Homieli — 80 kapiejek.
Jak apłacić prajezd kartaj?
Dla apłaty treba padnieści kartu da validatary i patrymać 1-2 siekundy. Na ekranie źjavicca paviedamleńnie ab paśpiachovaj apłacie — «Apłačana».
Kali kartka paškodžana abo prybrać jaje zanadta rana, to źjavicca paviedamleńnie — «Admova». Źmianieńnie na rachunku možna ŭbačyć u asabistym kabiniecie abo mabilnym banku paśla faktyčnaha śpisańnia srodkaŭ.
Pry praviercy kantralor paprosić prykłaści kartu da mabilnaha pryłady.
A kali hrošaj niama na karcie?
Kali pa niejkich pryčynach apłata nie prajšła abo ŭ momant śpisańnia na karcie było niedastatkova hrašovych srodkaŭ, to karta traplaje ŭ stop-list.
Apłacić nastupnuju pajezdku joju nie atrymajecca, pakul zapazyčanaść nie budzie pahašana.
Zapyty banka na pahašeńnie zapazyčanaści pravodziacca aŭtamatyčna ŭ peŭny čas. Pry žadańni heta možna zrabić samastojna ŭ asabistym kabiniecie.
Prajekt maštabujuć
Realizacyja piłotnaha prajekta tolki pačałasia, a na jaho vyniki paŭpłyvaje inicyjatyŭnaść hamialčan, kažuć śpiecyjalisty, jakija ŭkaraniali sistemu apłaty prajezdu kartami bankaŭ.
«Kali žychary buduć aktyŭna karystacca servisam, prajekt budzie maštabavać», — skazała dyrektar departamienta markietynhu i PR Śbier Banka Jaŭhienija Kilpielajnien.
Techničnym partnioram vystupiła IT-kampanija «Mižnarodny dziełavy aljans», jakaja šmat hadoŭ zajmajecca transpartnymi prajektami pa apłacie prajezdu.
Pakul pašancavała tolki pasažyram adnaho maršrutu, ale chutka prajekt pašyrać.
«Paetapnaje ŭviadzieńnie novaj dla hamialčan sistemy apłaty prajezdu dazvolić staranna adpracavać usie niuansy i być hatovym da jaje ŭkaranieńnia va ŭsim hramadskim transparcie rehijonu», — rastłumačyŭ hiendyrektar kampanii Dźmitryj Konievciev.
Adznačym, što bieskantaktavaja apłata prajezdu bankaŭskimi kartami pracuje ŭ Minskim mietrapalitenie. Štohod takoj pasłuhaj karystajucca miljony pasažyraŭ padziemki.
Ciapier čytajuć
Na liniejku ŭ «Minsk-Śviecie» pryjšło stolki ludziej, što baćki stajali za płotam. Ale ludzi aburany, što nie ŭsie kłasy paklikali6
Na liniejku ŭ «Minsk-Śviecie» pryjšło stolki ludziej, što baćki stajali za płotam. Ale ludzi aburany, što nie ŭsie kłasy paklikali
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia77
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1515
Kamientary