HUBAZiK rassyłaje byłym palitviaźniam i ich svajakam papiaredžańni z patrabavańniem adpisacca ad «ekstremisckich resursaŭ»
Niekatoryja byłyja palitviaźni dy ich svajaki paviedamlajuć, što pačali atrymlivać u telehramie papiaredžańni adpisacca ad čata «Śvitanak», piša «Radyjo Svaboda».
Źmiest paviedamleńnia taki:
«Vy deananimizavanyja jak udzielnik destruktyŭnaha resursu «Śvitanak». Kab paźbiehnuć pryciahnieńnia da ŭstanoŭlenaj zakonam adkaznaści, vam nieabchodna pakinuć zhadany telehram-čat na praciahu hadziny. Taksama rekamiendujem adpisacca ad inšych ekstremisckich internet-resursaŭ! Čas pajšoŭ».
Pa ŭsioj Biełarusi z 23 studzienia supracoŭniki KDB rabili masavyja pieratrusy, dopyty i zatrymańni svajakoŭ i blizkich palitviaźniaŭ, a taksama byłych palitźniavolenych, jakija niadaŭna vyjšli na volu i zastavalisia ŭ Biełarusi.
Pavodle pravaabaroncaŭ «Viasny», ahułam za apošnija dni pad pieraśled trapili sama mieniej 165 čałaviek. Paśla pieratrusaŭ ludziej zabirali na dopyty, a potym adpuskali z padpiskaj ab nierazhałošvańni. Suprać častki zatrymanych zaviali kryminalnyja spravy pavodle art. 361-1 («udzieł u ekstremisckim farmavańni») i art. 361-4 («sadziejničańnie ekstremisckaj dziejnaści»).
Niekatorych zatrymanych sudziać pa administracyjnych spravach. Vialikaja častka ludziej vychodzić na volu paśla dopytaŭ, ale ŭ jakim statusie, nieviadoma, adznačajuć pravaabaroncy.
Ciapier čytajuć
Cichanoŭskaja — Trampu: Łukašenku treba pakarać, a nie zaachvočvać22
Kamientary