Pavodle infarmacyi pravaabarončaha resursa Mayday team, u siaredzinie śniežnia 2023 hoda ŭ Bychavie byŭ zatrymany syn piśmieńnika i žurnalista Siarhieja Antonava.
Sam bychaŭski litaratar Siarhiej Antonaŭ, ułasny karespandent haziety «Častnyj dietiektiv», aŭtar šerahu tvoraŭ u ramkach prajekta «Suśviet Mietro 2033» taksama zatrymlivaŭsia ŭ pačatku śniežnia ŭ suviazi z supracoŭnictvam z mahiloŭskimi sajtami Mahiloŭ.Media i 6TV, pryznanymi «ekstremisckimi farmavańniami». Paśla vyzvaleńnia jon adrazu pakinuŭ Biełaruś.
U kancy śniežnia 2023 hoda byŭ zatrymany syn piśmieńnika — Arciom Antonaŭ. Pa papiarednich źviestkach, spačatku mužčynu ŭziali pa administracyjnaj spravie. Zatym doma ŭ syna piśmieńnika prajšoŭ pieratrus, była kanfiskavanaja technika, a samomu Arciomu Antonavu vystavili abvinavačvańnie za «abrazu Alaksandra Łukašenki» (art. 368 KK RB).
Padrabiaznaści spravy nieviadomyja.
Kamientary