Kredytnyja afierysty vyjšli na novy ŭzrovień.
23-hadovy žychar Minskaha rajona staŭ achviaraj finansavych machlaroŭ, paviedamlaje telehram-kanał «Milicyja Minska».
Jamu patelefanavali ŭ miesiendžary i pradstavilisia supracoŭnikami Nacbanka i Śledčaha kamiteta.
Chłopcu raskazali, što złačyncy nibyta aformili na jaho imia kredyt, a kab ich rassakrecić — jamu samomu nieabchodna paŭdzielničać u «śpiecapieracyi».
Vykarystoŭvajučy psichałahičnaje ŭździejańnie i manipulacyi, ašukancy prymusili mužčynu prytrymlivacca instrukcyj.
Adrazu małady čałaviek uziaŭ kredyty i pieravioŭ na čužy rachunak kala 15 000 rubloŭ. Paśla hetaha złamyśniki zahadali ablić niesumlennych supracoŭnikaŭ banka zialonkaj i tym samym dać sihnał da ich zatrymańnia.
Chłopca zatrymali i dastavili ŭ pastarunak.
Kamientary
Zaŭvažcie, što zatrymali chłopca. A afierystaŭ, jakija jaho padbuchtorvali - nie zatrymali.