«Chacieła adznačyć jubilej ź siamjoj». Što viadoma pra Alaksandru Kasko, jakoj prysudzili 10 hadoŭ paśla viartańnia ŭ Biełaruś
Pra zatrymańnie Alaksandry Kasko stała viadoma ŭ lutym 2023 hoda. Tady jana vyrašyła viarnucca dadomu z Polščy i na nastupny dzień była zatrymanaja.
Alaksandry Kasko 30 hadoŭ. Rodam jana z Ružanaŭ. Heta miastečka ŭ Pružanskim rajonie Bresckaj vobłaści. Paśla dziaŭčyna pierabrałasia ŭ Vaŭkavysk. Advučyłasia na miedsiastru, pracavała ŭ paliklinicy.
Voś jak apisvaje jaje siabroŭka:
«Alaksandra, ci prosta Sańka — heta čałaviečyšča ź vializnaj litary. Spahadlivaja, čułaja, zaŭsiody hatovaja dapamahčy. Zvyčajnaja dziaŭčyna sa zvyčajnaha horada, ale ź vializnym pačućciom sumlennaści i spraviadlivaści».
Viadoma, što ŭ 2020-m jana ŭdzielničała ŭ ruchu za svabodnyja vybary — heta jana raspaviadała ŭ intervju «Biełsatu». Siabry dziaŭčyny raskazali pra toje, što było paśla:
«Kala dziesiaci zatrymańniaŭ, sutki, IČU i dopyty. Praz pahrozy i cisk hałoŭnaha doktara jaje zvolnili z palikliniki, a ŭ horadzie na jaje litaralna palavali siłaviki. Tamu ŭ 2021-m jana źjechała z krainy.
Jaje zatrymali na nastupny dzień paśla viartańnia, kali jana ŭžo była ŭ baćkoŭ, adniali techniku. Mnie jana kazała, što pajechała rabić vizu. Ale inšaj siabroŭcy pryznałasia, što chacieła adznačyć 30-hodździe ź siamjoj».
Spačatku dziaŭčynie dali 10 sutak aryštu za «raspaŭsiud ekstremisckich materyjałaŭ. Ale na volu jana nie vyjšła. Joj zakidali artykuł 361-4, «sudziejničańnie ekstremisckaj dziejnaści». Paśla dadalisia jašče siem artykułaŭ, siarod jakich «raspalvańnie varožaści ci varažniečy» i «stvareńnie ekstremisckaha farmavańnia».
Na praŭładnych kanałach vyjšaŭ film, dzie dziaŭčynie zakidali supracoŭnictva z vałanciorskimi arhanizacyjami dy administravańnie telehram-kanałaŭ. Hetaje ž abvinavačańnie paŭtaryŭ u svaim relizie i Śledčy kamitet.
Siońnia nad dziaŭčynaj skončyŭsia sud, na jakim joj prysudzili dziesiać hadoŭ pazbaŭleńnia voli.
«U turmie jana nie markocicca i buduje płany na budučyniu, padtrymlivaje inšych źniavolenych i pieradaje pryvitańni ŭsim, chto nie maŭčyć», — kaža siabra dziaŭčyny.
«Naša Niva» — bastyjon biełaruščyny
PADTRYMAĆHUBAZiK raskazaŭ pra žančynu, jakaja «pryjšła pakajacca». Paśla jaje adpravili ŭ kałoniju i ŭnieśli ŭ «śpis terarystaŭ»
«A kali tabie ŭ**ać pa hałavie?» Dziaŭčyna pryjechała ŭ Biełaruś zamianić pašpart — i apynułasia za kratami. Voś jaje historyja
Što novaha praviarajuć u telefonach na miažy pry viartańni ŭ Biełaruś
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?21
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama2323
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama23
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2727
Kamientary