Paśla stralby ŭ himnazii ŭ Bransku zatrymali dyrektara i supracoŭnicu kampanii, jakaja achoŭvała navučalnuju ŭstanovu
U himnazii nie byli ŭstanoŭleny i padklučany ramki mietaładetektara.
Paśla stralby ŭ himnazii ŭ Bransku zatrymali dyrektara i supracoŭnicu kampanii, jakaja achoŭvała navučalnuju ŭstanovu Hetuju infarmacyju paćvierdzili krynicy TASS u siłavych orhanach.
Pa dadzienych Baza, śledčyja z Maskvy praviali pieratrusy ŭ ofisie TAA «Ahienstva Ekskalibur», a taksama ŭ kvatery ŭ jaje hiendyrektara Siarhieja Paddubnaha. Suprać dyrektara i supracoŭnicy pryvatnaj achoŭnaj arhanizacyi zaviedziena sprava ab akazańni pasłuh, jakija nie adpaviadajuć patrabavańniam biaśpieki.
RIA Novosti napisała, što ŭ himnazii, dzie adbyłasia stralba, nie byli ŭstanoŭleny i padklučany ramki mietaładetektara.Ramka stajała va ŭpakovačnaj ploncy i nie była padklučanaja da sietki.
Na zatrymanaha napiaredadni baćku školnicy, jakaja ŭsčała stralaninu ŭ škole, zaviali spravu pa artykule ab niadbajnym zachoŭvańni zbroi.
7 śniežnia vučanica vośmaha kłasa branskaj himnazii № 5 pryniesła ŭ škołu baćkavu strelbu, adkryła ahoń pa adnakłaśnikach, a zatym nakłała na siabie ruki. U vyniku stralby zahinuła adna dziaŭčynka, piać čałaviek paranieny. Paviedamlajecca, što ŭ jaje byŭ kanflikt z adnakłaśnicaj z-za chłopčyka. Jana i zabiła dziaŭčynku.
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary