Pravaabaroncy 7 śniežnia pryznali palitviaźniami adrazu 22 čałaviek. Ahulnaja kolkaść ludziej, jakija na siońniašni dzień źjaŭlajucca palitviaźniami, składaje 1473 čałavieki.
Imiony i proźviščy novych palitviaźniaŭ — Pavieł Sałahub, Vital Cydzik, Andrej Ihnatovič, Uładzimir Hrybanaŭ, Ihar Barysaŭ, Siarhiej Rudziankoŭ, Aleh Kazłoŭ, Maksim Mnacakanaŭ, Piotr Jarmašuk, Andrej Savinski, Śniažana Cadava, Aleh Jermakovič, Juryj Minin, Jaŭhien Pialachaty, Jaŭhien Ščarbina, Valancin Dubroŭščyk, Mikita Ściapurka, Aleh Syčoŭ, Anastasija Pilko, Łarysa Kučynskaja, Alaksandr Kučynski, Andrej Ściapurka.
Chto hetyja ludzi i čamu pravaabaroncy ličać ich spravy palityčna matyvavanymi, možna daviedacca tut.
Śpis usich palitviaźniaŭ Biełarusi — tut.
Usiaho na dadzieny momant palitviaźniami, pavodle acenak pravaabaroncaŭ, pryznanyja 1473 čałavieki. Apošnim časam ahulnaja ich kolkaść istotna nie raście, a navat časam i źmianšajecca. Ale heta nie tamu, što represii ŭ Biełarusi mienšajuć, — prosta paralelna z novymi vypadkami źniavoleńnia pa kryminalnych spravach idzie praces vyzvaleńnia tych asudžanych, chto całkam adbyŭ svoj termin. Taksama sudy niekatorym prysudžajuć «chatniuju chimiju», paśla čaho čałaviek vychodzić z turemnych ścien, tamu bolš nie ličycca viaźniem.
Varta taksama ŭličvać, što ŭ statystyku ŭvachodziać daloka nie ŭsie, chto znachodzicca ŭ źniavoleńni z palityčnych pryčyn, realnaja kolkaść biełaruskich palitviaźniaŭ našmat bolšaja. Pra vielmi mnohich pravaabaroncam prosta ničoha nie viadoma.
Ciapier čytajuć
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali23
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłota ŭ Kranštacie4141
Kamientary