Biełaruskaje pradpryjemstva trapiła pad novyja sankcyi Vialikabrytanii
Vialikabrytanija čarhovy raz pašyryła sankcyi suprać Rasii i Biełarusi. Jany zakranuli «pradpryjemstvy ŭ Biełarusi, Kitai, Sierbii, Turcyi, AAE i Uźbiekistanie, jakija praciahvajuć padtrymlivać niezakonnaje ŭvarvańnie Rasii va Ukrainu», havorycca ŭ pres-relizie brytanskaha ŭrada.
U asnoŭnym u pieraliku, u jaki patrapili 25 fizičnych asob i 21 kampanija — rasijanie, ale ŭ im jość i biełaruskaje «Kanstruktarskaje biuro «Dyspłej». U dačynieńni da jaho ŭviali sankcyi z pryčyny pastavak pradukcyi dla VPK Rasii i rasijskaj armii.
Kanstruktarskaje biuro «Dyspłej» ź Viciebska zajmajecca vypuskam videamanitoraŭ, jakija mohuć prymianiacca ŭ tym liku i ŭ vajskovych metach. Akramia taho, jano zajmajecca vypuskam udarnych bieśpiłotnikaŭ typu «Kvadra-1400» i «Baražavalnaja truba», što vykarystoŭvajucca biełaruskaj armijaj.
Z 2007 hoda KB «Dyspłej» raspracoŭvaje aŭtamatyzavany dystancyjna kiravany naziralna-ahniavy kompleks «Adunok», asnaščany kamierami, ciepłavizaram i łaziernym dalnamieram — takaja sistema ŭstaloŭvajecca na pavarotnuju viežu i dazvalaje pravodzić kruhavoje nazirańnie i paražeńnie metaŭ.
Akramia taho, ź nierasijskich rezidentaŭ u śpis uklučany šerah jurydyčnych asobaŭ AAE, jakija majuć dačynieńnie da marskich pieravozak, try kitajskija kampanii i pa adnoj kampanii ź Sierbii, Uźbiekistana i Turcyi.
Tapuzidzis, Šaŭcoŭ, Šakucin… ZŠA ŭviali novyja sankcyi suprać fizičnych i jurydyčnych asob Biełarusi
«Pjankoje vino «žadanaje za realnaje» pryvodzić da ciažkoha i praciahłaha pachmiella» — Stryžak pra pierśpiektyvy vyzvaleńnia palitviaźniaŭ
«My nazirajem biesprecedentnuju aktyŭnaść biełaruskich śpiecsłužbaŭ». Kiraŭnik DDB Litvy vystupiŭ za ŭnifikacyju sankcyj da biełarusaŭ i rasijan
Cichanoŭski raskazaŭ, što treba było rabić u žniŭni 2020-ha62
Kamientary