«Nas na*bali i vas na*buć». Žonki mabilizavanych RF apublikavali žorstkuju pietycyju. Ale jość niuans
Žonki i svajaki mabilizavanych rasiejcaŭ apublikavali manifiest i pietycyju suprać mabilizacyi. Jany damahajucca viartańnia svaich blizkich z frontu, ale vystupajuć jany nie suprać SVA, a tolki suprać biesterminovaj mabilizacyi. Tekst zvarotu apublikavany telehram-kanałam «Šlach dadomu».
U manifieście žonki i svajaki mabilizavanych źviartajucca da rasiejcaŭ z «maleńniem pra dapamohu».
«Nas na*bali i vas na*buć. Bo ŭvieś hety čas nam tolki pakazvali lanivuju stabilnaść, nadziejnaść, biaśpieku. My pamiatajem, jak prezident abiacaŭ, što reziervistaŭ nie pryzavuć, što zadačy na SVA vykonvajuć tolki prafiesijnyja dobraachvotniki. A potym našych kachanych zabrali va Ukrainu.
Abiacańni pa fakcie apynulisia pustyškaj. Mnohija nie viernucca nikoli. Mabilizacyja akazałasia strašnaj pamyłkaj. Nas pakarali za našuju zakonapasłuchmianaść. Za šyrmu stabilnaści dla bolšaści našy mužčyny płaciać kryvioj, a my — zdaroŭjem i ślazami», — havorycca ŭ manifieście.
Aŭtary tekstu adznačyli, što «ŭ budučyni nichto nie abaronieny ad ich doli». Jany nazvali situacyju ŭ krainie absurdnaj i raskrytykavali Uładzimira Pucina.
«2024-y prezident abjaviŭ hodam siamji. Iranična, uličvajučy, što žonki vyjuć biez mužoŭ, dzieci rastuć biez baćkoŭ, a mnohija ŭžo zastalisia sirotami. A satanist-ludajed, jaki ździejśniŭ recydyŭ paśla pieršaha źniavoleńnia, vychodzić na volu praz paŭhoda, adkupiŭšy sieryjnyja zabojstvy na SVA. Jość usio ž pačućcio humaru ŭ našaha prezidenta!
Mabyć, našu z vami Radzimu vyzvalajuć dla samych viarškoŭ hramadstva: mańjakaŭ, ałkašoŭ, mihrantaŭ, nadmierna bahatych čynoŭnikaŭ i ich dzietačak (čamu jany nie ŭ akopach, darečy?)», — havorycca ŭ manifieście.
«Šlach dadomu» zaklikaŭ padpisać pietycyju za viartańnie mabilizavanych i ŭstalavańnie limita na termin słužby. Aŭtary tekstu adznačajuć, što ich «nie cikavić razhojdvańnie łodki i destabilizacyja palityčnaha stanovišča» ŭ krainie.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary
Jak i našu. Słova mańjakaŭ zamianić na siłavikoŭ, a dalej pa tekście.