Cichanoŭskaja: Jak i 100 hadoŭ tamu, Rasija nasadžaje ŭłasnyja idei, kab źniščyć naša prava na samavyznačeńnie
Biełaruski nacyjanalnaja lidarka źviarnułasia da biełarusaŭ z nahody 103-j hadaviny Słuckaha zbrojnaha čynu.
Siońnia, 27 listapada, hadavina Słuckaha zbrojnaha čynu [supraciŭ žycharoŭ Słuččyny ŭ 1920 hodzie Čyrvonaj Armii, jakaja ruchałasia z uschodu — NN]. I ŭ savieckija časy, i zaraz hetaja častka našaj historyi zamoŭčvajecca ci ad jaje ŭvohule admaŭlajucca. Z hetaj nahody biełaruskaja lidarka zapisała zvarot, u jakim nahadała pra padziei taho času.
«U 1920 hodzie biełarusy bolš za miesiac zmahalisia za svabodu i prava žyć u volnaj krainie. Sialanie dy intelihiencyja stajali plačo da plača i baranili niezaležnuju Biełaruskuju Narodnuju Respubliku. Jany imknulisia zachavać našu krainu niepadzielnaj — i spynić ahresiju z boku krainy-susiedki.
Siońnia Biełarusi znoŭ pahražaje pahłynańnie. Jak i 100 hadoŭ tamu, Rasija nasadžaje ŭłasnyja idei i kaštoŭnaści, kab źniščyć našaje prava na samavyznačeńnie. Ale my nie majem prava sastupić u hetaj baraćbie. Bo inakš źniknie nie tolki naša kraina, ale i naša identyčnaść», — zaznačyła Śviatłana Cichanoŭskaja.
Jana zaklikała baranić rodnuju kulturu, movu, historyju.
«Heta i budzie našym sučasnym supracivam impierskamu «ruskamu śvietu», — reziumavała Śviatłana Cichanoŭskaja.
Ciapier čytajuć
Addanaha jabaćku, jaki abražaŭ Śviatłanu Cichanoŭskuju ŭ Threads, kinuli za kraty21
Addanaha jabaćku, jaki abražaŭ Śviatłanu Cichanoŭskuju ŭ Threads, kinuli za kraty
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych88
Kamientary
Tyja, chto kaštoŭnasna zachodniki, chopić napranać na siabie masku "biełarusa", bo ŭžo ciahnie na šyzu.