Katar zajaviŭ pra finalnuju stadyju pieramovaŭ z CHAMAS pa zakładnikach
Katar — pasiarednik, jon viadzie pieramovy z paleścinskaj hrupoŭkaj. Pavodle izrailskich źviestak, u pałon da hrupoŭki trapili blizu 240 čałaviek.
Pieramovy ab vyzvaleńni CHAMAS častki izrailskich zakładnikaŭ blizkija da finišu, paviedamiŭ pradstaŭnik ministerstva zamiežnych spraŭ Katara Madžed Al-Ansary, paviedamlaje RBK sa spasyłkaj na France 24.
«My znachodzimsia ŭ samym blizkim da dasiahnieńnia pahadnieńnia punkcie», — skazaŭ jon i adznačyŭ, što pieramovy dasiahnuli «krytyčnaj i finalnaj stadyi».
Raniej u CHAMAS zajavili, što blizkija da pahadnieńnia ab pieramirji — miarkujecca, što heta budzie adna z umoŭ uhody pa vyzvaleńni zakładnikaŭ. Pavodle izrailskich źviestak, u pałon da hrupoŭki trapili blizu 240 čałaviek.
Krynica izrailskaha Channel 12 ź liku vysokapastaŭlenych čynoŭnikaŭ krainy paćvierdziła, što baki «vielmi blizkija da pahadnieńnia». Pavodle jaho infarmacyi, jašče treba vyrašyć techničnyja prablemy, ale mohuć być vyzvalenyja prynamsi 50 čałaviek — žančyny i dzieci, u dalejšym kolkaść vyzvalenych moža vyraści, kali mierkavany režym ahniu budzie padoŭžany.
Zachodnija ŚMI — Financial Times, Reuters, The Washington Post — pisali, što ŭ ramkach pahadnieńnia zakładniki mohuć być adpuščanyja ŭ abmien na vyzvaleńnie paleścinskich źniavolenych z turmaŭ Izraila — taksama žančyn i dziaciej. Abmiarkoŭvajecca pieramirje na try-piać dzion i pradastaŭleńnie siektaru Haza humanitarnaj dapamohi.
Al-Arabija: CHAMAS adpuścić sto zakładnikaŭ u abmien na vyzvaleńnie paleścinskich žančyn i niepaŭnaletnich ź liku źniavolenych
Izrailskija zakładniki CHAMAS: najhoršy kašmar dla luboha ŭrada
U vojsku Izraila patłumačyli seksizmam pravał u adbićci ataki CHAMAS: nazirańni za Paleścinaj u Izraili viaduć žančyny
Ciapier čytajuć
Biełaruska nabiła na ciele partrety Łukašenki i jaho synoŭ, Umki, Pucina dy Si Czińpina18
Kamientary