«Sproba vykarystać paślavybarčuju situacyju». Polšča adkazała na prymirenčuju rytoryku Łukašenki
Biełaruś i Rasieja «praciahvajuć apieracyi», nakiravanyja na «razbureńnie imidžu Polščy, padryŭ uzajemnaha davieru pamiž palakami i ŭkraincami, vyśmiejvańnie polskich struktur biaśpieki i raspaŭsiudžvańnie tryvohi ŭ hramadstvie», ličyć pradstaŭnik uradu ŭ pytańniach biaśpieki infarmacyjnaj prastory Stanisłaŭ Žaryn.
Žaryn napisaŭ post pad nazvaju «Dezynfarmacyja suprać Polščy», pryśviečany publičnaj rytorycy Biełarusi i Rasii ŭ adnosinach da Polščy.
Pavodle Žaryna, kramloŭskaja prapahanda praciahvaje sprabavać dyskredytavać abaranazdolnaść Polščy, «prasoŭvajučy naratyŭ, što vajskovy patencyjał polskich Uzbrojenych sił pierabolšany».
«U toj ža čas rašeńnie Ministerstva abarony Polščy ab stvareńni tankavaha bataljona na ŭschodzie krainy było «interpretavanaje kramloŭskaj prapahandaj, u tym liku i Piaskovym, jak krok da eskałacyi napružanaści ŭ adnosinach ź Mienskam i Maskvoj», — napisaŭ čynoŭnik.
U svaju čarhu Alaksandr Łukašenka, źviarnuŭ uvahu Žaryn, «u svajoj prapahandysckaj dziejnaści» padaje sihnały ab adkrytaści Miensku da dyjałohu z budučym uradam Polščy, «pry hetym zabyvajučysia na ŭsio drennaje, što nibyta było zroblena Polščaj da hetaha času».
«U toj ža čas režym Łukašenki paśladoŭna pradstaŭlaje ciapierašniuju palityku Varšavy jak ahresiŭnuju, pravakacyjnuju, jakaja nanosić škodu Polščy i Jeŭropie», — dadaŭ jon.
Padobnyja zajavy biełaruskaha režymu, ličyć Žaryn, varta ŭsprymać jak sprobu vykarystać paślavybarčuju situacyju ŭ Polščy dla źmiakčeńnia pazicyi polskaha ŭrada ŭ dačynieńni da varožych dziejańniaŭ Mienska, a taksama dla abialeńnia jaho imidžu, poŭnaha niapraŭdy.
Žaryn napisaŭ, što praciahvajecca «pačataja Łukašenkam» u 2021 hodzie «apieracyja pa «destabilizacyi polska-biełaruskaj miažy z dapamohaj štučnaj mihracyi», kuratarami jakoj zjaŭlajucca biełaruskija śpiecsłužby».
«Hetaja apieracyja pastajanna supravadžajecca dezynfarmacyjnaj aktyŭnaściu, jakaja palahaje ŭ pastajannym paŭtareńni abvinavačańniaŭ na adras Pamiežnaj słužby Polščy ŭ hienacydzie «ŭciekačoŭ, jakija pierasiakajuć abo sprabujuć pierasiekčy pamiežny barjer», — napisaŭ dziaržsakratar kancylaryi polskaha premjera.
Apošnija tydni Alaksandr Łukašenka krychu skarektavaŭ svaju rytoryku ŭ adnosinach da krain Zachadu. 27 kastryčnika jon pachvaliŭ palakaŭ za toje, što jany prahałasavali za apazicyju na vybarach, potym vinšavaŭ narody Aŭstryi i Čechii, zajaviŭšy: «niaprostyja časy projduć, i my z patrojenaj siłaj adnovim uzajemadziejańnie». Padčas vizitu ŭ Miensk pry kancy kastryčnika kiraŭnika MZS Vienhryi Pietera Sijarta jon nazvaŭ siabie «zaŭziatym prychilnikam zachavańnia ES».
A 11 listapada zajaviŭ, što praciahvaje palakam «siabroŭskuju ruku supracoŭnictva».
-
Tramp prymaje vialikuju dozu aśpirynu dla razredžvańnia kryvi. Praz heta ŭ jaho lohka źjaŭlajucca siniaki
-
Kala 40 čałaviek zahinuli, bolš za 100 z traŭmami. Achviary strašnaha pažaru na raskošnym alpijskim kurorcie
-
23‑hadovaha ŭkrainca zatrymali ŭ Varšavie z hłušyłkaj — jon źviarnuŭ na siabie ŭvahu tym, što hadzinami prasiedžvaŭ u kaviarni ŭ aeraporcie
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki2
Kamientary