U Maskvie ŭratavali kata, jaki čatyry dni prasiadzieŭ u zakrytym aŭtamabili
U Maskvie vyratavali kata, jaki čatyry dni prasiadzieŭ u pazadarožniku ŭ centry horada. Žyviolinu vyciahnuli supracoŭniki ekstrannych słužbaŭ, paviedamlaje «RIA Naviny».
Aŭtamabil Mitsubishi Outlander byŭ pryparkavany kala maskoŭskaha Vialikaha teatra z 29 kastryčnika. Pavodle źviestak ŚMI, mašyna naležyć žycharcy Vałhahradskaj vobłaści, adnak u centry Maskvy aŭtamabil pakinuŭ jaje 40-hadovy syn.
Pa słovach vidavočcaŭ, u minułuju niadzielu kiroŭca dastaŭ z aŭtamabila carkoŭnyja prynaležnaści i čaplaŭsia da minakoŭ, śćviardžajučy, što jon prarok. Haspadara zatrymali i adpravili ŭ psichijatryčnuju kliniku.
Amal adrazu paśla zatrymańnia haspadara kata nieabyjakavyja minaki vyklikali palicyju. Adnak palicyjanty nie mahli adkryć inšamarku biez zhody ŭładalnika.
Praź niekalki dzion kala mašyny sabralisia ludzi, hatovyja zabrać kata, navat kali pryjdziecca paškodzić pazadarožnik. Hetym razam palicyjanty zmahli adkryć Mitsubishi drotam. Žyviolinu paśla taho dastavili ŭ vieterynarnuju kliniku, a aŭtamabil — apiačatali.
Paśla taho kata zabrała sabie maskoŭskaja prakuratura. Tam zapeŭnili, što vieterynary paśla ahladu pryjšli da vysnovy, što z žyviolinaj usio dobra.
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary
Łuka nomier 2 ?