U aeraporcie Vilni niespadziavana sieŭ łajnier, što lacieŭ u Maskvu
Samalot rejsam Antalja — Maskva ździejśniŭ niezapłanavanuju pasadku ŭ Vilenskim aeraporcie, paśla čaho praciahnuŭ svoj palot. Litoŭskija aeraporty zaznačajuć, što heta byŭ prypynak, vyklikany fors-mažornymi abstavinami, piša Delfi.lt.
Cpačatku samalot zrabiŭ piatlu pamiž Vilniaj i Koŭnam (Kaŭnasam), a potym sieŭ u stalicy Litvy. Paśla poŭnačy samalot tureckaj avijakampanii Southwind Airlines vylecieŭ ź Vilni ŭ Maskvu.
«U adnoj z pasažyrak pačalisia prablemy sa zdaroŭjem, tamu samalot ździejśniŭ niezapłanavanuju pasadku ŭ Vilni. Vyklikali chutkuju, jakaja akazała nieabchodnuju dapamohu. Paźniej samalot adpraviŭsia ŭ Maskvu», — skazaŭ pres-sakratar litoŭskich aeraportaŭ Tadas Paviłaŭskas.
Kampanija «Pavietranaja navihacyja» skazała Delfi, što samalot i pieravozčyk zarehistravanyja ŭ Turcyi.
«Na hety avijałajnier abmiežavańni nie raspaŭsiudžvajucca. Heta była avaryjnaja pasadka z-za zdaroŭja pasažyra», — skazała kiraŭnica kampanii Inhryda Nuabare.
Jana dadała, što sankcyi ES raspaŭsiudžvajucca tolki na samaloty, zarehistravanyja ŭ RF, i na samaloty hramadzian RF, vyklučeńnie robiać na vypadak avaryjnaj pasadki.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia15
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher44
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher4
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2222
Kamientary