9-y fiestyval kino Paŭnočnych i Bałtyjskich krain sioleta projdzie pad słohanam «Uvaha adlehłaść».
Zhodna z zadumaj, słohan nahadvaje, što na adlehłaści treba nie zabyvać adno adnaho i być uvažlivymi da svaich blizkich. Adsutnaść znakaŭ prypynku pamiž słovami «ŭvaha» i «adlehłaść» zusim nie vypadkovaść. Heta daje mahčymaść pa-roznamu sčytvać i interpretavać heta.
Druhi hod zapar kinafiestyval «Paŭnočnaje źziańnie» budzie pakazvać unikalnyja fiestyvalnyja stužki ŭ hibrydnym farmacie: offline u Talinie i Vilni i online dla ŭsich. U online filmy «Źziańnia» buduć znoŭ dastupnyja hledačam biaspłatna.
Tradycyjny manifiest ad dyrektarki kinafiestyvalu Voli Čajkoŭskaj sioleta nabyŭ niezvyčajnuju formu: zamiest zvykłaj prozy atrymaŭsia vierš.
«Padzielenaść, adlehłaść, na jakoj my znachodzimsia sa svaimi blizkimi, niemahčymaść ludziej viarnucca dadomu, žyćcio ŭnutry krainy ŭ składanych umovach — heta davoli balučyja temy, jakija šmat kaho tryhierać, — razvažaje dyrektarka fiestyvalu Vola Čajkoŭskaja. — Chaciełasia havaryć pra heta na takoj movie, jakaja dapamahła b pahladzieć na vielmi balučuju pobytavuju temu pa-inšamu, jakaja b fiksavała hetuju pakutlivuju rečaisnaść, ale adnačasova abjadnoŭvała nas. Vielmi doŭha ja nie mahła sieści za napisańnie hetaha tekstu, chadziła, dumała, jak padstupicca. A kali sieła pisać, niejak sam saboj naradziŭsia vierš».
Nad stvareńniem vizualnaj ajdentyki pracavała adna z dyzajnierak kanceptu «Paŭnočnaha źziańnia» minułaha hoda — Jula Vasilčenka. Adnym z asnoŭnych elemientaŭ vizuału festu sioleta stała zvyčajnaja linija, jakaja simvalizuje miažu, što padzialiła ludziej.
Vizualnyja mietafary razam ź lampavymi plonačnymi zdymkami ad fatohrafki Kaci Ihnaševič stvarajuć simbijoz, jaki pieradaje pačućci nastalhii i pryjemnaj miełancholii. Usio heta znachodzić adlustravańnie i ŭ trejlery festu. Jon zrobleny na styku niekalkich technik: kałažu, hlitč-animacyi i moŭšn-dyzajnu.
Kamanda kinafiestyvalu chutka raskryje źmiest prahramy filmaŭ i adkryje rehistracyju dla ich prahladu. Padtrymać kamandu fiestyvalu možna danatam.
-
«Čužy: Ziamla» — krytyki raschvalvajuć novy sieryjał pa kultavaj kinafranšyzie. A što nasamreč?
-
Pamior akcior Terens Stemp, viadomy pa rolach u «Supiermienie» i «Zornych vojnach»
-
Biełaruskija akciory, jakija syhrali hałoŭnyja roli ŭ niamiecka-aŭstryjskim filmie, atrymali ŭznaharody na kinafiestyvali ŭ Łakarna
Ciapier čytajuć
Biełarusy ŭ sacsietkach aburajucca, što dekretnicam nibyta płaciać bolš, čym tym, chto chodzić na pracu11
Biełarusy ŭ sacsietkach aburajucca, što dekretnicam nibyta płaciać bolš, čym tym, chto chodzić na pracu
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii11
Kamientary