Śpiecyjalisty kampanii zafiksavali intensiŭnaść u 398 miljonaŭ zapytaŭ na siekundu. Heta ŭ 7,5 razu bolš za minułuju samuju maštabnuju ataku, piša Devby.
Pavodle danych Google, dla napadu vykarystoŭvałasia novaja technika Rapid Reset, zasnavanaja na multypleksavańni patokaŭ. Letašni rekord intensiŭnaści składaŭ 46 miljonaŭ zapytaŭ. Hetym razam kolkaść zapytaŭ dasiahała 398 miljonaŭ. Naprykład, heta bolš, čym było pračytana artykułaŭ «Vikipiedyi» za ŭvieś vierasień.
Chvala napadaŭ praciahvajecca dahetul. Jana skiravanaja na najbujniejšych pastaŭščykoŭ infrastrukturnych resursaŭ, uklučajučy servisy Google, sietku Google Cloud i klijentaŭ Google. Supracoŭnikam udałosia zachavać pracazdolnaść servisaŭ za košt infrastruktury raźmierkavańnia nahruzki.
Daśledčyki vyśvietlili, što ataka stała mahčymaj praz uraźlivaść CVE-2023-44487 u pratakole HTTP/2. Ź jaje dapamohaj złamyśnikam udałosia hienieravać takuju kolkaść zapytaŭ za karotki čas. Uraźlivaści prysvoili rejtynh 7,5 bałaŭ z 10 mahčymych.
«Hłavnoje»: chto staić za najbolšaj sietkaj rehijanalnych telehram-kanałaŭ Biełarusi. Jaje ślady viaduć u Rasiju4
Kamientary