Mer Bresta daŭ intervju mietearobatu, jaki viadzie prahnoz nadvorja na miascovym telebačańni
Virtualny viadučy teleradyjokamanii «Brest» Bahdan Zavirucha ŭziaŭ zabaŭlalnaje intervju ŭ staršyni harvykankama Siarhieja Łabadzinskaha. Videa niefarmalnaj razmovy pakazali ŭ prahramie «Ranišni espresa».
Bahdan — stvareńnie niejrasietak, jon zjaviŭsia na kanale TRK «Brest» sioleta ŭ žniŭni i ahučvaje mieteazvodku. «Bahdan małady, pryvabny, ambicyjny, biez škodnych zvyčak i pretenzij na zarpłatu», charaktaryzujuć jaho na kanale, piša blizko.by.
Mietearobat apisaŭ bresckaha kiraŭnika horada tak:
− Siarhiej Łabadzinski, 43 hady. Naradziŭsia ŭ Breście. U dziacinstvie addavaŭ pieravahu nie tamu, kab hulać z mašynkami, a kab vieści ich ulik. U śviadomyja hady zajmaŭsia ŭ teatralnaj studyi. Z rolaj Hamleta nie zradniŭsia. Pajšoŭ z mastactva ŭ ekanomiku. Pierakanaŭsia ŭ tym, što ŭsie šlachi viaduć nie ŭ Rym, a ŭ meryju. U ciapierašni momant adkazvaje za siabie i ŭvieś horad. Za nadvorje adkaznaści nie niasie.
Razmova robata i kiraŭnika horada adbyłasia biez halštuka — Łabadzinski źniaŭ halštuk, kab być z robatam u adnolkavym stanoviščy.
U chodzie hutarki Bahdan «zavaliŭ» Łabadzinskaha pytańniami:
− Amal nichto nie viedaje, čym vy zachaplajeciesia. Hladzicie bai UFC ci chvarejecie za «Dynama-Brest»? Čytajecie ekanomiku Śmita ci fantastyku Struhackich? Addajacie pieravahu bajevikam ci kamiedyi? Čaj ci kava? Moža, vy, jak kot Matroskin, śpiec va ŭsim, jašče i vyšyvać umiejecie?
Łabadzinski nie adkazaŭ pa pytańniach, zaŭvažyŭ, što kryžykam, jak Matroskin, nie vyšyvaje. A samaje asnoŭnaje, što jon dla siabie bačyć — vykanańnie niepasrednaj funkcyi pa palapšeńni jakaści žyćcia hramadzian.
— I heta nie prosta słovy, — davodzić Siarhiej Łabadzinski. − Heta samaaddanaja praca, jakaja padmacavana toj luboŭju da małoj radzimy, dzie ja naradziŭsia i žyvu.
Hałoŭnaj zadačaj u svajoj pracy jon bačyć raźvićcio ekanomiki horada i rost dachodaŭ hramadzian.
Łabadzinski paabiacaŭ Bahdanu, što heta sustreča nie apošniaja.
Ciapier čytajuć
Tamara Vińnikava pradała svoj łondanski dom, zaviešany karcinami samoj siabie ŠMAT FOTA22
Kamientary
a adkazy, jak pad kapirku - jak uva ŭsich łukavych čynoŭnikaŭ