Kafiedra palitałohii Biełaruskaha dziaržaŭnaha universiteta źjaŭlajecca histaryčnym centram ajčynnaj palityčnaj navuki, jaki šmat u čym pieradvyznačyŭ raźvićcio hetaj dyscypliny ŭ Biełarusi. Vypuskniki adździaleńnia palitałohii našaha ŭniversiteta zajmajuć pasady u dziaržaŭnych orhanach, palityčnych partyjach i hramadskich abjadnańniach, plonna pracujuć u akademičnaj śfiery ŭ jakaści vykładčykaŭ i navukovych daśledčykaŭ. Dasiahnieńni kafiedry pa stvareńni palityčnaj navuki jak haliny viedaŭ u Biełarusi biassprečnyja.
Adnym z padstavovych pryncypaŭ atrymańnia adukacyi palitołaha źjaŭlajecca navukovy pluralizm. Dziakujučy ćviordaj pazycyi administracyi fakulteta, raniej hety pryncyp vykonvaŭsia i ŭ šerahach studentaŭ‑palitołahaŭ nie było miesca «palavańniu na viadźmarak».
Zrazumieła, što kiraŭnictvu fakulteta i kafiedry składana było dasiahnuć hetaha ŭ siońniašnich akaličnaściach, ale ž heta było nieabchodnaj umovaj zachavańnia navukovaha statusa dadzienaj dyscypliny.
Adnak, vypadak z adličeńniem studentki adździaleńnia palitałohii jurydyčnaha fakultetu BDU Taćciany Šapućki
pahražaje pierakreślić navukovyja dasiahnieńni škoły palitałohii BDU i moža stać brudnaj plamaj na imidžy jurydyčnaha fakulteta.
Inicyjatary adličeńnia Taćciany nie chavajuć, što padstavaj dla takich žorstkich administratyŭnych zachadaŭ stała jaje hramadskaja dziejnaść, a mienavita ŭdzieł u pieršym Forumie hramadzianskaj supolnaści «Uschodniaha Partniorstva». Zdavałasia b, universitet pavinny byŭ by hanarycca takimi vysokimi dasiahnieńniami svaich studentaŭ u hramadskaj dziejnaści. Adnak, u hetym vypadku administracyja BDU zaniała vidavočna nieadekvatnuju, nierazumnuju pazicyju.
My, vypuskniki adździaleńnia palitałohii BDU, zaklikajem našu alma mater pryhadać, čamu nas vučyli ŭ jaje ścienach. My pierakananyja, što adličeńnie studentaŭ na padstavie ich hramadskaj dziejnaści supiarečyć pryncypam funkcyjanavańnia sučasnaha ŭniversiteta, nie adpaviadaje tradycyjam BDU i pahražaje skasavać status BDU jak prystojnaj navučalnaj ustanovy.
Kali Taćciana Šapućka nie budzie adnoŭlenaja na jurydyčnym fakultecie BDU, to heta pastavić pad sumnieŭ stutus adździaleńnia palitałohii BDU jak viadučaha centra ŭ halinie palitałahičnaj adukacyi. Urešcie rešt, heta stanie jašče i ŭdaram pa imidžy ajčynnaj palityčnaj navuki, jakaja budzie adkinutaja nazad da siervilnych uzajemadačynieńniaŭ ź dziaržavaj. Na naš pohlad, takoje raźvićcio padziejaŭ źjaŭlajecca niedapuščalnym.
My źviarajemsia da kiraŭnictva jurydyčnaha fakulteta BDU i piersanalna da prafesara S.A.Bałašenki i prafesara S.V. Rešetnikava z prośbaj prysłuchacca da hołasa rozumu i ŭ miežach svajoj kampietencyi pradpryniać usie mahčymyja zachady pa adnaŭleńni studentki Taćciany Šapućki na jurydyčnym fakultecie BDU.
Z pavahaj i zaniepakojenaściu za los ajčynnaj palitałahičnaj škoły, vypuskniki adździaleńnia palitałohii jurydyčnaha fakulteta BDU
Natalla Vasilevič (2004 hod vypusku)
Juryj Čavusaŭ (2000 hod vypusku)
Andrej Jahoraŭ (2002 hod vypusku)
Aleś Michalevič (1997 hod vypusku)
Andrej Kazakievič (2002 hod vypusku)
Enira Branickaja (2003 hod vypusku)
Mikoła Astrejka (2003 hod vypusku)
Ivan Marozaŭ (2005 hod vypusku)
Siarhiej Kuźniacoŭ ( 2007 hod vypusku)
Kaciaryna Malej (2006 hod vypusku)
Kaciaryna Korzun (2007 hod vypusku)
Alena Sidarovič (2005 hod vypusku)
Taćciana Čulickaja (2002 hod vypusku)
Andrej Lachovič (1997 hod vypusku),
Anton Prudnikaŭ (2007 hod vypusku)
Kamientary