«Pahroza z boku Biełarusi realnaja». Mierkavańni prezidenta Litvy i śpikiera Siejma nakont unifikacyi abmiežavańniaŭ padzialilisia
Hitanas Naŭsieda pa-raniejšamu prytrymlivajecca pazicyi ŭzmacnieńnia strohaści sankcyj suprać biełarusaŭ, tady jak lidar parłamienta Viktoryja Čmilicie-Nilsen padkreślivaje nieabchodnaść uličvać pravy čałavieka pry razhladzie hetaha pytańnia ŭ Siejmie, piša Delfi.lt.
«Mierkavańni padzialilisia. Majo mierkavańnie takoje: ja zhodny, što nastroj biełaruskaha naroda adroźnivajecca ad nastroju rasijskaha naroda, što jon u mienšaj stupieni atručany toj masavaj prapahandaj, jakaja viałasia ŭ Rasii, što jon bližej da nas hieapalityčna, histaryčna, tradycyjna.
Ale davajcie zrazumiejem adno — Alaksandr Łukašenka vielmi ŭmieła karystajecca svaimi ludźmi jak rečami, jak instrumientami», — zajaviŭ H. Naŭsieda žurnalistam u aŭtorak paśla sustrečy z kiraŭnictvam Siejma.
Na prykładzie žurnalista Ramana Pratasieviča prezident Litvy źviarnuŭ uvahu na zdolnaść režymu Łukašenki łamać ludziej.
«My pavinny ŭspomnić pra chłopca, jaki staŭ achviaraj viartańnia samalota ŭ Minsk. Sapraŭdy, było vielmi sumna nazirać za ŭsioj hetaj historyjaj i hieniezisam hetaj historyi. I heta čarhovy raz pakazvaje, što dyktatar łamaje ludziej, što dyktatar vykarystoŭvaje jaho [Pratasieviča] ŭ ciomnych metach, i jon moža zrabić tak i ź inšymi ludźmi», — padkreśliŭ kiraŭnik litoŭskaj dziaržavy.
«My možam šukać šlachi i razhladać inšyja sposaby, ale my pavinny razumieć, što pahroza z boku Biełarusi vielmi realnaja i ŭ niejkim sensie navat bolš realnaja, bo ŭ nas jość pramaja i davoli praciahłaja miaža z hetaj krainaj», — dadaŭ jon.
Namieśnik ministra ŭnutranych spraŭ Litvy Vital Dźmitryjeŭ zajaviŭ, što viedamstva bačyć nieabchodnaść va ŭnifikacyi abmiežavańniaŭ dla hramadzian Rasii i Biełarusi, jakija prybyvajuć u krainu.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary
S adnaho boku biełaruska-litoŭskuju miažu nie začyniajem, s inšaha boku ad płanaŭ dyskryminavać hramadzian Biełarusi ŭ Litvie nie admoviŭsia.
Kto vyjhraje ad hetaha? Rasieja i jahonaja maryjanietki-łukašysty (razam z kantrabandaj).
Spadar Nausieda, ja razumieju što vybary nabližajucca (prezidenckija ŭ 2024), ale na kaho vy zaraz pracujecie?