Supracoŭniki DAI spynili mašynu i zatrymali žurnalistku Juliju Daraškievič, kali jana pa redakcyjnym zadańni jechała na sustreču sa Źmitrom Daškievičam. Zatrymańnie doŭžyłasia paŭhadziny.
Fotakarespandent «NN» Julija Daraškievič była zatrymanaja ŭ paniadziełak, a 14:30 u rajonie płoščy Niezaležnaści.
Supracoŭniki DAI spynili mašynu i zatrymali Juliju, kali jana pa redakcyjnym zadańni jechała na sustreču sa Źmitrom Daškievičam.
Pierad hetym Julija pa telefonie skazała kalehu, kudy jana jedzie.
Julija raskazała, što supracoŭnik DAI patłumačyŭ joj, byccam «jość prablema» ź jaje mašynaj, maŭlaŭ, na jaje jość adpaviednaja «aryjenciroŭka» i ciapier žurnalistcy «pahražaje administracyjnaje zatrymańnie». Paźniej vyśvietliłasia, što padazravałasia padmiena numaru kuzava.
Julija ŭpeŭnienaja, što była zatrymanyja paśla taho, jak paviedamiła, što jedzie na sustreču z Daškievičam. Supracoŭniki DAI pavodzili siabie z fotakarespandentkaj vietliva i karektna.
U 15.00, paśla pravierki numaru kuzava aŭtamabila, Juliju adpuścili. «Nu vy ž usio razumiejecie», — skazaŭ Julii na raźvitańnie supracoŭnik DAI.
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ106
Kamientary