Biełaruskaja škoła ŭ Varšavie ŭ novym navučalnym hodzie pašyrycca ŭdvaja
Bolš za 100 pieršakłaśnikaŭ, 400 zajaŭ z 23 krain i adkryćcio niekalkich novych filijałaŭ — takija vyniki naboru ŭ Biełaruskuju škołu ŭ Varšavie, piša «Radyjo Svaboda».
Da 15 žniŭnia byŭ adkryty nabor u Biełaruskuju škołu ŭ Varšavie na novy navučalny hod. Zajaŭki prymalisia nie tolki sa stalicy Polščy, ale i ź inšych haradoŭ — Biełastoka, Hdańska, Krakava, Poznani (tam buduć subotnija zaniatki afłajn). Navučańnie biaspłatnaje.
Biełaruskaja škoła afłajn, jak subotniaja ŭ Varšavie, i anłajn, u jakoj vučacca biełaruskija dzieci z 15 krain śvietu (Ałbanija, Hiermanija, Hruzija, ZŠA, Italija, Turcyja, Japonija i inš.), isnuje ź vieraśnia 2022 hoda. U joj pravodziacca dadatkovyja da adukacyi krainy pražyvańnia zaniatki (da piaci hadzin na tydzień) pa biełaruskim kompleksie pradmietaŭ: movie i litaratury, «Čałavieku i śviecie», historyi, mastactvie Biełarusi i inš.
Raniej paviedamlałasia, što z novaha navučalnaha hoda zapłanavana arhanizavać bolš za 20 novych kłasaŭ u roznych haradach Polščy, adkryć filijały Biełaruskaj škoły ŭ Biełastoku, Varšavie, Hdańsku, Krakavie, Poznani ci inšych haradach, dzie isnuje najbolšaja kancentracyja našych suajčyńnikaŭ, jakija nie sa svajoj voli apynulisia ŭdalečyni ad radzimy, i nabirajecca nieabchodnaja kolkaść dziaciej u kłasie-kamplekcie.
Dniami stała viadoma, što Biełaruskaja škoła ŭ Varšavie ŭ novym navučalnym hodzie pavialičycca ŭdvaja. Bolš za 100 pieršakłaśnikaŭ, 400 zajaŭ, 23 krainy i niekalki novych filijałaŭ — takija vyniki sioletniaha naboru ŭ navučalnuju ŭstanovu.
Čytajcie taksama:
1 vieraśnia — budni dzień. Jak aficyjna ŭziać vychodny
Ci dapuściać dzicia da zaniatkaŭ biez školnaj formy? Voś što adkazali ŭ Minadukacyi
Sabrać dzicia ŭ škołu: ceny paraŭnoŭvajuć baćki ŭ Biełarusi, Litvie i Polščy
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary