Kiraŭnik Administracyi prezidenta prakamientavavaŭ kadravyja pierastanoŭki.
Kiraŭnik Administracyi prezidenta prakamientavavaŭ kadravyja pierastanoŭki.
Nijakaj nadzvyčajščyny ŭ kadravych naznačeńniach rrezidenta šukać nie treba. Pra heta 5 śniežnia ŭ čas aficyjnaha pradstaŭleńnia słužbovych asob Ministerstva abarony i Rady biaśpieki Biełarusi, naznačanych ukazam kiraŭnika dziaržavy 4 śniežnia, zajaviŭ kiraŭnik Administracyi prezidenta Biełarusi Uładzimir Makiej.
Pavodle słoŭ kiraŭnika Administracyi, na kirujučyja pasady naznačajucca vyklučna prystojnyja, kvalifikavanyja, enierhičnyja i vysokamaralnyja aficery i hienierały ź niezaplamlenaj reputacyjaj.
«Čyścinia šerahaŭ była i zastajecca hałoŭnym patrabavańniem kiraŭnika dziaržavy», ‑ skazaŭ Uładzimir Makiej.
Jon adznačyŭ, što ŭ Ministerstvie abarony vyraśli dastojnyja kiraŭniki, jakija majuć dobruju tearetyčnuju i praktyčnuju vajennuju padrychtoŭku. Naznačeńnie Leanida Malcava na pasadu dziaržaŭnaha sakratara Savieta Biaśpieki Uładzimir Makiej nazvaŭ vielmi vysokaj acenkaj jaho asabistaha ŭkładu va ŭmacavańnie abaranazdolnaści Biełarusi i stvareńnie armii, jakaja adpaviadaje ŭsim sučasnym patrabavańniam, dadaŭšy, što jaho vopyt budzie patrebny na novaj pasadzie.
Pradstaŭlajučy Juryja Žadobina, jaki naznačany ministram abarony Biełarusi, kiraŭnik prezidenckaj administracyi adznačyŭ, što z usich razhledžienych mahčymych kandydatur jon źjaŭlajecca najbolš padrychtavanym dla raboty na hetaj pasadzie.
«Jon unios vialiki ŭkład va ŭdaskanaleńnie vajennaj arhanizacyi respubliki, umacavańnie jaje abaranazdolnaści, karystajecca zasłužanym aŭtarytetam siarod aficeraŭ i hienierałaŭ Uzbrojenych Sił», — skazaŭ Uładzimir Makiej.
Pry hetym kiraŭnik Administracyi padkreśliŭ, što «heta nijakoje nie panižeńnie, a akazańnie asablivaha davieru, bo armija źjaŭlajecca vielmi važnaj častkaj dziaržaŭnaha miechanizma». «U jaho cudoŭnaja škoła: pryjšoŭšy ŭ Słužbu biaśpieki Prezidenta, jon arhanizavaŭ tam sapraŭdy vajenny paradak, a ŭznačaliŭšy KDB, jon u pieršuju čarhu zbaviŭsia ad ludziej, jakija zaplamili svaju reputacyju, — heta vielmi važna. Jon budzie havaryć z vami na adnoj movie, tamu što jon z hetaha (vajennaha) asiarodździa. Jon dastatkova lohki čałaviek, ale ŭ toj ža čas u im jość stryžań, i kali jon prymaje rašeńnie, to davodzić jaho da kanca», — adznačyŭ Uładzimir Makiej, źviartajučysia da prysutnych aficeraŭ i hienierałaŭ.
Kiraŭnik Administracyi prezidenta taksama dadaŭ, što važniejšaja zadača, jakaja staić pierad novym ministram abarony, — u pradaŭžeńni dalejšaha jakasnaha pavyšeńnia bojehatoŭnaści va Uzbrojenych Siłach Biełarusi. Pry hetym, adznačyŭ Uładzimir Makiej, kiraŭnik dziaržavy źviarnuŭ asablivuju ŭvahu, što pryncypovyja padychody da harantavańnia vajennaj biaśpieki Biełarusi źmianicca nie pavinny i treba raźvivać tyja pačynańni, jakija byli zakładzieny Leanidam Malcavym, pry hetym rašuča zbaŭlajučysia ad ŭsiaho ŭstarełaha i nieefiektyŭnaha, udzialajučy samuju pilnuju ŭvahu pavyšeńniu prestyžu vajennaj słužby.
Kamientary